62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
ustezko ordezkaritza duelako gestionatzen du bai diru poltsa hau eta baita honetatik
eratorritako formazioa ere.
Formazioa Brasilen sektoreka antolatu eta banatzen da eta ez izaera juridikoaren arabera.
Kooperatibek administraziotik jasotzen duten kopuru hau salbuespen gisa kontsideratu beharko
genuke; kooperatibena delako kasu bakarra sozietate motaren araberako diru laguntza jasotzen
dena.
Ekonomia Solidarioko enpresa ekimenak ez dira kasurik gehienetan OCBko bazkide eta
ondorioz, formazio premia larria izan arren ez dute formazio hau jasotzeko inolako aukerarik.
Bestalde, administrazioak eta zehazki SENAES (Secretaria de Economia Solidaria) bideratzen
dituen laguntzak ere ez dira lorgarri beraientzat. Diru laguntzetarako eskaera egiteak burokrazia
handia eskatzen du. Honetaz gain, formazioa eskaintzen den lekura desplazatzeak ere denbora
eta kostu ekonomikoa suposatzen du eta ezin izaten dute formazioa jasotzera joan.
Goazen ondoren formazio kooperatiboaren gainean eginiko erantzunak jaso eta aztertzera.
Sao Paulon OCB-ko egoitzan egin genuen elkarrizketan presente egon ziren SESCOOP-ko
kideak ere. Egoitza berean daude bi erakundeetako teknikariak beraz, bilera bi erakundeetako
teknikariekin batera egin zen. Hau berau da OCB eta SESCOOP- n artean dagoen loturan
erakusle.
Eurekin izandako bileran azaldu zuten zein zen S sistema deiturikoaren funtzionamendua.
Kooperatibek administrazio publikora bideratutako dirua ondoren OCB-k nola kudeatzen duen.
Oso gauza normala balitz moduan OCB-n ez dauden gainerako kooperatibak finantziazio bide
horietatik kanpo geratzea.
Marcelo Mauad-ek formazio iturri honen inguruan galdetuta honako hau erantzun digu:
‘ Une honetan Brasilgo Gorte Gorenean ari da gaia eztabaidatzen. SESCOOP
sistemaren konstituzionaltasuna auzitan dagoen arren, fato consumado deiturikoaz ari
dira baliatzen. 70.000 erreal dira gestionatzen ari direna. Diru kopuru honekin
finantzatzen dituzte senatari eta diputatuak. Lortu dute loby handi eta indartsu bat
izatea. FRENTCOOP- ‘Frente Parlamentario Cooperativo’- daukate. Egitura honetako
kide diren askok eta askok OCBren (SESCOOP) finantziazioa dute. Eta hauek helburu
bakarra daukate, OCB-renak esklusiboki diren proiektuen defentsa sutsua egitea baina,
ez orokorrean kooperatibismoarena eta kooperatibena.
Arrazoi horregatik guk ez dugu onartzen publikoa den finantziazio horrek erabilera
pribatua izatea. Diru hau kooperatiba guztien onura bilatzera bideratu beharko litzateke.
223