62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
informazioaren eztabaida eta azterketarako gune bezala balio du, eta kooperatibismoaren
irizpide orokorrak, misioa eta funtzioak definitzeko gune ere bada. Hauetaz gain, Kontseiluak
beste funtzio oinarrizko zein osagarri batzuk ere bete behar dituela argi ikusten da.
1/82 eta 4/93 legeetan jasotzen diren Kontseiluaren funtzioak aztertzerako orduan hiru dira
kontutan izan beharreko elementuak: printzipio gidatzaile nagusi gisa ‘sustapen kooperatiboa’
dagoela batetik, aipatutako hiru dimentsiotan (informazio bilketa eta eztabaida leku eta
kooperatibismoaren irizpide orokorrak definitzeko gune) betetzen duen papera bestetik eta
azkenik, kooperatibistak eurak, Kontseiluan betetzen duten papera. Azpimarratzekoa da,
Kontseiluak ez duela bere lana lege markoan oinarrituta soilik burutu, kooperatibismoaren
beharrak izan dira sortze arrazoi nagusiak.
Mugimendu kooperatiboaren printzipioen hedapena litzake lehenengo funtzioa. Kontseiluak
duen izaera berezia kontutan izanik, egoera berezia dela esan genezake, entitate publiko batek
pentsamendu ekonomiko sozial baten propaganda egitea. Honen oinarria eta justifikazioa
Konstituzioko 129.2 artikuluan aurkitzen da 238 . Artikuluak, formazio kooperatiboa hedatzea
positibotzat jotzen du.
Esan berri dugun moduan, Konfederazio eta Federazioen sortzearekin batera, Kontseiluak
betetzen zuen funtzio nagusietako bat Konfederaziora pasatzen da. Konfederazioak
ordezkaritza funtzioa hartzeak, ez du eragotziko Kontseiluak hedapen, sustapen, promozio eta
hezkuntza kooperatibo funtzioa betetzen jarraitzea. Promozio kooperatiboa ez da soilik egitura
ekonomiko bati babesa eskaintzea.
Azpiegitura ekonomikoari garrantzia kendu gabe, kontsideratzen da pentsamendu kooperatiboa
ezagutarazteak garrantzia daukala. Kontseiluaren hastapenetan bi izan dira elementu
esanguratsuak: batetik, euskal kooperatibengana gerturatzea hauen egoera zein den hobeto
238 Espainiar Konstituzioa. Artículo 129. (...) 2. Botere publikoak enpresan partehartze era desberdinak
bultzatuko dituzte eta kooperatibak sustatuko dituzte legedi egokien bidez. Langileak ekoizpen bitartekoak
eskuratzeko bideak ere ezarriko dituzte.
325