62377

I. ATALA: 4. BRASILGO KOOPERATIBA ERREALITATEA GAUR
arazoak, merkatu galerak, atzerapen teknologikoak, gerentzia edo kudeaketarako gaitasunik
eza… Eragozpen hauek lotura dute kanpo arrazoiekin – ingurune baztertzailea eta eragozleaeta
baita, - barne arrazoiak ere- ekonomia modernoarenak diren teknikak eta gaitasunak
barneratzeko zailtasunak.
Egoera oso desberdinen aurrean aurkitzen gara. Kasu batzuetan esperientziak arrakasta
handia dute baina, elkartasun eta autogestio maila baxua erakusten dute. Beste kasu batzuetan
berriz, emaitza eskasak aurkezten dituzten arren, oso esperientzia demokratiko eta
partehartzaileak dira. Arazoa, bi praktikak, - elkartasuna eta errentagarritasuna- parean dituzten
esperientziak aurkitzeko zailtasunean dago. Ezin da ahaztu esperientzia ahulak izan arren,
langileek jasotzen duten onura, soldatapeko lan harremanekin alderatuz beti ere, handia dela
(Gaiger, 1999). Irabaziek eta emaitzek sortzen duten asetasun maila areagotu egiten da partehartze,
demokrazia eta elkartasun maila handiko enpresetan. Ondorioz, esan genezake erronka
dela enpresa logika eta elkartasun logika kontraesanean izango ez dituen enpresak sortzea, eta
honela, Razetok (1997, 1999) aipatzen duen arrazionaltasun ekonomiko berria sortuz.
Beste ahulezietako bat, euren arteko artikulazio edo egituratze falta da. Ekoizpen, banaketa eta
kontsumoan aurrerabideak emateko egituren arteko harremana ezinbestekoa da. Esperientzia
gehienak hastapenetan daude eta nahikoa lan dute euren eguneroko arazoei konponbidea
ematen. Esparru zabalagotan antolatzeko gaitasunik ez dute erakusten.
MST (Movimento Sem Terra) da artikulazio eta estrategia maila altuena duen egitura, baina
euren esparrura soilik mugatzen da; ez dute gainerako ekonomia solidarioko esperientziekin
inolako loturarik. Esperientzien arteko sareak eta harremanak egitea beharrezko bihurtzen da.
Orain arte, bakoitzak bere aldetik, gainditu dituen eragozpenak taldean gainditzeko eta zirkulu
ekonomikoari arrazionaltasun bat emateko bihurtzen da ezinbesteko tresna.
Esperientzia hauek dituzten beharrak asetzera bideratutako politika publikoak paper
garrantzitsu bat jokatu dezakete. Badira guneak behar hauei erantzuna emateko sortuak
direnak eta besteak beste, komertzializazioa, legedia eta hezkuntza dira lantzen dituzten arloak.
Kontutan izan beharreko beste elementuak, ekinbide komunitariorako esparru berriak eta
garapen lokala dira. Esperientzia asko lokalak dira. Euren komunitatean kokatuta azaltzen diren
esperientziak dira. Dituzten baliabideekin egiten dute lan. Lurralde esparru muga hau normala
da, esperientzia gehienak bazterketari aurre egiteko sortuak izan zirelako.
Taldean partehartzeko aukera hutsak kideak hiritartzeko aukera baten aurrean ipintzen ditu, eta
honela gizarteratze bideari ekiteko parada dute.
131