62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
burutzeko beharrezkoa izango da bazkideek burutzea. Bestalde kooperatibak bere produktua
ekoizteko beharrezko duenean lehengairen bat erostea kooperatibatik kanpo, ekintza
kooperatibotzat hartuko da. Kooperatibaren objektu soziala den produktua ekoizteko
beharrezko delako lehengai hori erostea edo eskuratzea.
Esandakoaren haritik beraz, ekintza kooperatiboak soilik dauka kontabilitate eta zerga aldetiko
trataera berezia, eta ekintza ez denean kooperatiboa tratamendu normala jasoko du. Ekintza
kooperatiboak hainbat zerga ordaintzetik salbuetsita daude: tributu sozialak, bazkideari
dagozkion kontribuzio sozialak….
Gauza bera gertatzen da kontabilitate irizpideekin ere. Kontabilitate arauak diote bereiztu
beharra dagoela ekintza kooperatiboa, ekintza ez kooperatibotik. Enpresaren objektu soziala
burutzen ari garenean ari gera ekintza kooperatiboa egiten. Baina ohiko jardueraz aparteko
jarduera burutzen denean aparteko errezeta ari gara luzatzen, eta hori ez da ekintza
kooperatiboa. Kooperatibaren ‘ causa’ –ri erantzuteko beharrezkoa den ekintza da ekintza
kooperatiboa. 2ko kostua izan duena 5ean saltzea, irabazi bat generatzea da eta hau ez denez
bazkideen beharrak asetzeko, ekintza honekiko zerga ordaindu beharra dago.
ANTEAG-en garbi dute kooperatibak ez dutelako inolako pribilejiorik. Ekintza batek bazkidearen
bidez ez bada kooperatibaren bidez ordaintzen du zerga. Beraz zerga beti ordaindu beharko
du. Kooperatiba pertsonen sozietate bat denez, honek bazkideekin burutzen dituen ekintzak
lehenesten dira.
OCB-ko Guilhermek ekintza kooperatiboari buruz hitz egiterakoan, latinoamerikako
kooperatibismoaren ardatz gisa definitu du ekintza. Bere esanetan, Europan ez bezala,
latinoamerikan, ekintza kooperatiboa da kooperatiboa zer den eta zer ez den finkatzeko dagoen
adierazlea. Berak azaldu zigunez, Auzitegi Gorenak finkatutako jurisprudentziaren arabera,
kooperatibarekiko tratamendua ez dago izaera sozietarioak markatuta baizik eta kooperatibak
burutzen dituen ekintzak markatuta. Kooperatibak burutzen dituen ekintzetan helburua
kapitalaren erremunerazioa denean, ez dago ekintza kooperatiborik. Ekintza kooperatiboa
burutzen denean ez dago erretribuzio edo ordainik, beraz, ez dago errezetarik. Komisio
merkantilaren ideiarekin omen du antza. Merkataritza komisioa eta ordezkaritza zibilaren arteko
zerbait izan daiteke. Kooperatibak bere izenean jardun arren, ekintzaren erantzukizun eta
ondorioak bazkideen gain erortzen dira. Hau beti ere bazkidea, bazkide erabiltzailea denean
gertatuko da. Eragiketa batean argi ez badago kapitala erremuneratzen ala alderantziz,
bazkidearen onura ari garen bilatzen, babes fiskala arriskuan jartzen dugu.
Guilhermek adierazi du Brasilgo konstituzioak ez duela soilik kooperatibei buruz hitz egiten,
ekintza kooperatiboei buruz ere hitz egiten du. Ekintza beraz, arau konstituzionalean ere jasota
azaltzen da. Bere esanetan, gaur egun Brasilen kooperatibismoa batzen duena ez da forma
178