62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
kooperatiboa aurrera eramateko eskuduntzak. 74ko legeak Kooperatiben Batasunak sortzea
aurreikusten du, hauetatik mugimenduaren oinarria sortzeko helburuarekin. Izaera juridiko
propioarekin Kooperatiba Batasunak jarduera nagusiaren eta helbidearen araberako
kooperatibak hartzen ditu bere baitan eta honela Batasun Lurraldetarrak sortuz. Legeak
esleitzen dizkien atribuzioak dira: ordezkaritza, adiskidetzea, sustapena eta garapena. Hona
funtzioak zehatz-mehatz:
- Kooperatiben arteko eta kooperatibek bazkideekin dituzten gatazketan arbitrajea
eraman.
- Printzipio kooperatiboen zaintza eta hedapena.
- Hezkuntza kooperatiboaren hedapena.
- Antolamendu Sindikalak egiten dituen lege xedapenen edo erregelamenduen
gaineko irizpen edo txostenetan entzuna izatea.
Honela Antolamendu Sindikalaren baitan sortzen da arlo kooperatiboan espezializatua den
egitura bat. Kooperatiben Federazio Nazionalaren proposamenez Antolamendu Sindikalak
ematen dituen arauen garapena egiteko beharrezko erreferentzia bilakatzen da.
Egitura konplexuaren parte bihurtzen da baina, oraingoan, kooperatiba mugimenduaren partehartze
handiagoarekin. Oro har, legeak kooperatibak zaintzeko eta Federazio Nazionalari
aholku eta prebentzio funtzioa betetzeko ardura esleitzen dio.
Sistema demokratikoaren etorrerak eta Antolamendu Sindikalaren desagertzeak ordenu
kooperatiboan eragina izango du. 1977ko ekainaren 2ko Errege Dekretu-Legeak arlo
kooperatiboko eskuduntza Lan Ministerioaren eskura pasatzen du eta dagokionean
Kooperatiben Federazio Nazionalera.
1977ko ekainaren 10ko 1.305ko Dekretuak Lan Ministerioaren barnean kokatzen du
Kooperatiba eta Enpresa Komunitarioen Zuzendaritza Orokorra. Organo honen
eskuduntzapean geratzen dira ordenu eta garapen kooperatiboa batetik eta langileek
enpresako jabetzan partehartzeko ekintzen ikerketa eta garapena. Aldi berean Kooperatiben
Erregimen Juridikorako Azpi- Zuzendaritza Orokorraren esku geratzen dira kooperatiben gain
eragina duten arauen estudioa, lanketa eta interpretazioa egitea; honela organo legegile
bihurtzen da. Bere gain geratzen dira baita Kooperatiben Erregistro Orokorra eta beraz, ekintza
administratiboak eta helburu horretarako kalifikazioak burutzea.
314