62377

ONDORIOAK
ahalegina egin beharko litzake interes guneen iritziak kontutan hartuak izan daitezen. Eurak
dira sektore baztertu eta behar egoera larriaren ordezkaritza dutenak eta beraz, legea euren
neurrira egin beharko litzake.
Nire lege ekarpenetan kontutan hartuak izan dira euren iritziak eta behar egoera larriena
dutenen iritziak errespetatzen ahalegina egin dut. Kooperatibismoak, Ekonomia Solidarioarekin
eta teoria kritikoarekin daukan harremana oso estua eta aldi berean, koherentea eta
konkordantea dela esan behar da. Balio eta irizpide antzekotan mugitzen direlako hirurak ere.
Brasilen indarrean den legera honako ekarpenak egiten ditugu:
• Eraketarako gutxieneko bazkide kopurua eta gutxieneko kapital
soziala. Brasilgo kooperatiba legedian kooperatiba eratzeko gutxieneko bazkide
kopurua hiru, bost edo zazpikoa izan beharko litzateke (ez dugu adostasunik ikusi
kopurua zehazterako orduan). Oraingo hogeiko kopurua gehiegizkoa da. OCB-k hogei
eskatzen jarraitzea salagarria da, azken finean, eskaera honen oinarri bakarra
kooperatiben eraketa zailtzea eta Ekonomia Solidarioari kooperatibak sortzerako
orduan eragozpenak gehitzea delako.
Gutxieneko kapital soziala eskatzearen aldekoak gara. Ekimenak gutxieneko oinarri
ekonomiko baten beharra dauka. Hori bai, ezintasun larrian dauden sektoreei ekimenak
martxan jartzen laguntzeko eta batez ere, gutxieneko kapitala ipini ahal izateko
laguntza eta babesa behar dutelakoan gaude. Beraz, gutxieneko kapital galdapenak
behar du babestu eta laguntza eskainiko duen politika publiko egoki bat eta baita,
banku publikoen babesa ere.
• Bazkide tipologia berriak sartzea. Bazkide laguntzaile eta erabiltzaile figurak
sartzearen aldeko proposamena egin dugu. Bazkide figurak kooperatiba lagundu,
indartu eta aberastu dezakete. Interkooperazioa eta kooperatiben arteko sarea sortzeko
tresna baliagarriak dira. Bazkide erabiltzaileak, besteak beste, bezeroak proiektuan
integratu eta erabaki ahalmen bat emanez fidelizatzeko balio lezake. Zerbitzu eta
produktu hartzaile legez, proiektuan integratu eta bermatu, beste hornitzaile
batzungana joatea kostako zaiola.
Bazkide laguntzailearen figura sartzea ere aurreikusi dugu proposamenean. Bazkide
laguntzaile figuraren bitartez proiketuari, lagundu nahi dionari kooperatiban sartzeko
aukera eskaintzen zaio. Ez da behar bezero (zerbitzu edo produktua hartzaile) izaterik
nahikoa da proiektuan laguntzeko interesa izatea. Erakunde publiko zein pribatu,
343