62377

I. ATALA: 3. BRASILGO MUGIMENDU KOOPERATIBOAREN HISTORIA
Bestalde, baimendu egiten da kooperatibak bazkideen biltegi funtzioa bete dezan eta bazkide
ez direnekin ere jardun dezan. Instituto Nacional de Colonizaçao e Reforma Agrariak (INCRA)
programa asko garatu zituen esparru kooperatibistan; Programa Nacional de Cooperativismo
(PRONACOOP) kooperatibak sortzea bultzatzeko asmoz, kooperatibismo arrazionalizatzeko
eta ekoizpena handitu asmoz mekanizazioa eta modernizazioa bultzatzeko; bestalde, Fundo
Nacional do Cooperativismo (FUNACOOP), ikerkuntza zientifikoa eta teknologikoa garatzeko
eta kooperatibismoaren gaineko doktrina eta ekoizpen intelektuala garatzeko.
Atzera pauso baten ostean, aurrera pauso handi moduan legedi berriak bultzada bat emango
dio kooperatiben arteko elkarketei; 1980an gertatuko da eta batez ere negozio txikien
alternatiba moduan.
Prozesuari jarraipena emango die
Cooperativa de Crédito Agropecuario do Oeste Ltda
(SECREDI) eta Confederaçao Brasileira das Cooperativas de Crédito (CONFEBRAS).
3.7. 1988KO KONSTITUZIO ONDORENGO EGOERA
1985tik aurrera gertatuko den estatuaren demokratizazioak eta 1988an onartuko den
Konstituzioak, baldintzak sortuko dituzte estatuaren eta kooperatibismoaren arteko harremanak
aldatu daitezen. Harremanok aldaketa sakonak biziko dituzte, batez ere, bi arrazoigatik: batetik,
estatuko botereen arteko orekak aldatu egingo direlako Botere Exekutiboaren indarra ahulduz
eta bestetik, Estatua esparru ekonomikotik aterako delako.
1988ko Konstituzioak kooperatibismoarentzako izango duen xedapenik garrantzitsuena 5
artikuluko XVIII pasartea izango da, bertan kooperatiben eraketarako ez delako baimenik eta
estatuari debekatu egiten zaiolako kooperatiben funtzionamenduan esku-hartzea 72 .
Konstituzioaren onarpenarekin Brasilgo kooperatibismoa herrialde garatuetako
kooperatibismoaren parean jarriko da. Estatuaren esku-hartzetik aske.
72 5 artikuluko XVIII pasartea. ‘ a criaçao de associaçoes e, na forma da lei, a de cooperativas
95