62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
kooperatiba legediak aztertu eta hauen hobekuntzarako lege proposamenak egiteko eskaera
luzatuko dio.
Gobernuen inplikazioa garapen koooperatiboan behar baino handiagoa izan ohi da hainbat
kasutan. Eta askoren ustez, inplikazio hau izan da garapen normala eragotzi izan duena.
Orokorrean gobernu askoren tentazioa mugimendu kooperatiboa instrumentalizatzea izan den
arren badaude, esperientzia positiboak ere. Egon dira gobernuaren laguntzaz garapen
harmonikoa lortu duten kooperatiben kasuak ere. Indian mugimendu kooperatiboa gobernuaren
laguntzaz garatu da eta gerora emaitza onak lortu dira.
Lorpenaren klabeak bi izan dira: batetik, gobernu eskuhartzeari eman zaion enfokea eta
bestetik, mugimenduari laga zaion autonomia margena. Nerhuren esanetan, proiektua zen
India erreformatzea Lankidetzaren bidez, baina garbi izanik, gobernuaren kontrola oso
kaltegarria izan zitekeela 209 .
Aliantza, izandako esperientzien ondorioz, hasi da definitzen eta mugatzen gobernuen
interbentzioa. Honela batzutan oso balorazio positiboa egin izan du Estatuek mugimendu
kooperatiboari eskaini dioten babesaren gainean 210 . Baina aurrerago eskuhartzeari mugak
jartzeari ekingo zaio. Aliantzako 27. Kongresuan Laidlaw-k aurkeztutako txostenean azaltzen
denaren arabera, mugimendu kooperatiboak gobernuekin izan beharreko harremanak dira
aurre egin beharreko arazo nagusienetakoak, eta hau nahiko frogatuta geratu da garapen
bidean dauden hainbat estatutan.
Esandakotik ondorioztatu izan dira hainbat neurri: babesa, kooperatiben hastapeneko
laguntzetara mugatu dadila eta politikarien ekintzak berriz, mugimenduan postuak betetzeko
debekuak ezartzera. NAK-k eginiko kontsulta batek, Asian sustapen eta garapen kooperatiboan
gobernuak burututako jardunaren gainean hainbat elementu positibo mahai gaineratu ziren:
indarra haunditu dutela, enplegua sortu, nekazal aurrezkia sustatu dutela, prezio hobeak lortu
209 Rana, J.M., Forms of Government and Co-operative Democracy in South-East Asia, New Delhi, ICA
ROEC, 1973, p. 26. Gunawarda, H.P. L., ICA in South-East Asia – The First Decade, New Delhi, ICA
ROEC 1971, foreword. Sobre el apoyo prestado también por otros gobiernos a los movimientos
cooperativos, COPAC, Co-operative Information Note Republic of Korea, Rome, COPAC, 1984.
210 Hanburgoko 1969ko Kongresuan.
290