62377

I. ATALA: 2. EUSKAL KOOPERATIBISMOA
subiranotasunean) bai teknoegituran (lan-prozesuan parte hartzea), parte-hartze eraginkorraren
erronkari erantzuteko modua da. (8) Azkenik, Arrasateko kooperatibek gestiorako tresna gisa
zein tresna sozial gisa plangintza erabili izan dute (urteko gestio-plana eta plan estrategikoa).
Plangintza, halaber, ezinbesteko osagaia da kooperatiben metabolismo sozial eta teknikorako.
Ideia horiek eta beste batzuk dira Arrasatek beste latitude batzuetako kooperatibismo eta
ekonomia solidarioko esperientziei egin diezaieken ekarpena, hainbat hamarralditako praktika
eta hobekuntza direlarik horietako bakoitzaren berme.
Arrasateko esperientziak, bere historiaren une honetan, gogoeta egin behar du sorreran
sustatzaile izan zituen eta gaur egun oinarri dituen ideien etorkizunari buruz: giza duintasuna,
lanaren subiranotasuna, autogestioa, solidaritatea, parte-hartzea. Bere norabideari buruz egin
behar du gogoeta –hausnarketa hori hasia da, nolabait– eta euskal esperientziaren
protagonistei dagokie hori egitea. Gogoeta horretan, munduko beste esperientzia eta
mugimenduen ideia, amets, ikuspegi eta esperientzien fluxuarekin harremanetan egotea
komeni da. Begiratzen eta entzuten ikasi behar da, eta orobat jakin behar da bereizten non
dauden balio sakonei dagokienez antzeko uhin-luzeraz dardaratzen duten eragileak, itxuraz
alde handiak egonagatik ere.
2.3. ESPAINIAKO KONSTITUZIO ONDORENGO LEGEDI KOOPERATIBOA
2.3.1. Kooperatiben merkataritza izaera
Arrasateko Kooperatiba Esperientziaren arrakasta ikusi izan dugun moduan elementu
desberdinen ondorio izan da baina, 4/93 Legeak ere berebiziko garrantzia izan du. Legegileak
jarrera irekia erakutsi du beti Arrasateko Taldearen beharrei erantzun bat ematerako orduan.
Lege beraren garapena AKE-k markatuta etorri dela esan daiteke. Ondorengo lerrootan Legeak
izandako ibilbidearen errepaso azkar bat egingo dugu.
42