62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
UFDRko bi ikasleen iritziak datoz ondoren; biak ere norabide berean.
D ikaslea, ‘ Interesgarria da baina, gurean bazkide mota hauek sartu aurretik prozesu
bat pasa beharra dagoela uste dugu. Hala ere, gurean zein izango litzake laguntzaile
eta zein erabiltzaile? Ba seguruenik kapitaletik gertuen daudenak. Eurak dirua ipiniko
lukete eta trukean erabaki ahalmena eskatuko lukete. Etorkizunean Ekonomia
Solidarioa indartzen bada aukera hau jorratu daitekeela uste dugu, baina gaur gaurkoz
arrisku bizia dagoela uste dugu ’.
C ikaslea, ‘ Interesgarria da baina gure kasuan ez da halakorik legeak ez duelako
aurreikusten. Uste dut figura hau oso baliagarria izan daitekeela MSTko kooperatibetan.
Asko indartuko lirateke. Hala ere zalantza daukat hau dagoeneko mugimenduak ez ote
duen aurrera eramaten ’.
Hemen ere ideia bera izan da. Kanpoko esku hartzearen beldurra nagusi da, nahiz eta
interesgarria izan daitekeela uste duten. MST moduko mugimendu batentzat bereziki
onuragarria izan daitekeela ere aitortzen dute.
SENAES-ko kideen ustez ere ideia interesgarria da eta batez ere, Ekonomia Solidarioko
ekimenak elkarrekin harremanetan sartu eta sareak sortuz indartzeko balio lezakeela uste dute.
Bazkideen gaiarekin lotuta bi gai nahasten dira: batetik, interkooperazioa gauzatzeko aukera
eta bestetik, kooperatibetan kapitalari sarbidea emateko bidea.
José Brendanek, Paraíbako Unibertsitate Federaleko soziologoaren, berbak sartuko ditugu,
berak nahiko azalpen sakona eta garatua eskaini zigulako.
‘Bazkide laguntzailearen figurak badu abantaila handi bat, besteak beste, kooperatiban
kapitala sartzeko aukera ahalbidetzen du. Baina badu balizko desabantaila bat ere:
nahiz eta bazkide laguntzaileak lan bazkideak legez boto bakarra izan batzar
orokorrean, praktikan, kooperatibako erabakietan eragin edo ahalmen handiagoa
izateko aukera duela iruditzen zaigu. Eta honek kooperatibako demokrazia
konprometitu dezake.
Bazkide erabiltzaileari dagokionean berriz, eta gaizki ulertu ez badut hau da,
kooperatibako zerbitzu eta ondasunak kontsumitu eta bazkide dena, ala? Adibide bat
jarriz; osasun zerbitzuak eskaintzen dituen kooperatiba batek dituen ‘bezeroak’bazkide
izango lirateke zuen legediaren arabera baina ez Brasilgo legediaren arabera. Nik uste
dut kasu honetan bezeroak ez luketela zuzenean parte hartzeko eskubiderik izan behar,
bestela sendagileak baino gehiago aginduko lukete eta azken finean, sendagileak dira
beharginak. Hori pentsatu arren, kooperatibako batzarrean entzule (ombudsmans) bat,
188