62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
Erregimen ekonomikoari dagokionean Brasilen kontabilitate arauak oso konplikatuak direla
adierazi digu Marcelok. OCB-k omen dauka ezagutza hau ‘kaixa itxi ‘ batean gordeta eta
berarentzat. Aitortzen du OCB-k esperientzia luzea duela eta hori dela eta dutela ezagutza hori
inork baino gehiago eta hobeto garatu eta landuta. Eta ez dute teknologia hori irakatsi nahi; ez
dute teknologia beste kooperatiba batzuen eskutara pasatzerik nahi.
Bere ustez trantsizio garai bat bizitzen ari dira. Ez da eurentzat une erraza. Behar dituzte beste
esperientzia batzuk ezagutu eta eredu propio bat landu. Ordezkaritza ofiziala ez zabaltzea ere
arazo bat da eta ondorioz egin beharreko lana handia. Erronka moduan bizi dute eredu
moderno eta propio bat egitea. Printzipioak errespetatuz eta ekonomikoki bideragarri izango
dena. Proiektu sendoak lantzea helburu dute, bai eta epe luzerako errentagarri izango direnak
ere.
ANTEAG-ko Reitorrek ere ildo beretik egin du bere hausnarketa. Bere esanetan ere 2003ko
kontabilitate araua ezagutzen duen adituak ez dira asko; ez dago araua ongi ezagutu eta
kontabilitate txukun bat eramateko gaituta dagoen aholkulari askorik. Bere esanetan OCB-n ere
ez dago ezagutza ona duen kiderik. Bere esanetan egoera honetatik salbuetsita daudenak dira
fazenderoen kooperatibak. Hauetan prozesu industrial osoa ez da ekintza kooperatiboa eta
ondorioz, ez dago kontabilitate arau brasildar berezia bete beharrik.
Ikasleek ere kontabilitatea eramateko prozedura brasildarrari kritika egin nahi izan diote.
Kooperatiben kontabilitatea ez da unibertsitatetan eskaintzen den formazio bat eta arauak ere
ez du errazten kontabilitatea ongi eramatea, zaila delako.
OCB-ko aholkularia izan da kontrako mezua eman duen bakarra. Bere ustez kontabilitate arau
brasildarra oso arau ona da. Eurak Kontadoreen Kontseilu Orokorrean sartutako proposamena
izan zela onartu digu.
Paul Singeren ustez zailtasun handiak daude kontabilitatea ongi eramaten eta kooperatiba
txikiak ezinezko dute kontabilitatea eramateko adituak kontratatzea. Bestalde, honekin lotuta
bere ustez ‘ekintza kooperatiboa ‘ izatea bai kontabilitatea eta bai zerga erregimena ardazten
dituena ere arazo bat da. Ekintza kooperatiboa diren ekintzak ez dira ‘tasatuak ‘ edo
zergapetuak. Tributazioa Brasilen ez da pertsona juridikoak duten izaeraren araberakoa baizik
eta burutzen den operazioaren araberakoa. Eredu Europarrarengandik oso desberdina da,
europar ereduan pertsona juridikoa delako zergapetua eta ez ekintza. Salbuespenak badira
hemen ere, agroindustrian diharduten kooperatiba handietan esate baterako. Baina bere
esanetan orokorrean Brasilen sozietate kooperatibo baten balantze bat ongi egitea zaila da. Eta
ez dago kontabilitatea ongi eramateko gai den aditu nahikorik.
205