62377

ONDORIOAK
dela. Brasil da kooperatiba bat eratzeko zailtasun gehien aurkezten dituen herria eta
denbora gehien behar izaten den herrialdea kooperatiba eratzeko.
Ekintza kooperatiboa mantentzen bada eta horren arabera jarraitu behar bada
kooperatibaren errejimena arautzen (eta ez sozietate izaera bera kontutan izanik)
tramiteak erraztea proposatzen dugu. Hemen ere, OCB-ren kontrako jarrera tinkoa da.
OCB-ren aburuz, beharrezkoa da, tramiteak konplikatuak izatea. Burokrazia eta tramite
administratibo zailak eragotziko dute kooperatiba izaeraren erabilera okerra. Zenbat eta
eskakizun gehiago orduan eta zurruntasun gehiago eta beraz, zailagoa izango da
kooperatibaren erabilera okerra egitea. Eurak dira gainera horren zaintza dutenak.
Arrazoi hau ez da onargarria. Gaurko joera kontrakoa da. Kooperatiben eraketarako
tramiteak erraztea eta arintzea da bai gurean eta bai Europa mailako tendentzia, hau
honela izanik, ezinbestean gure proposamenak hortik jo behar du. Eta kontraesana
dirudi kooperatibismoa sustatzeko ardura daukan egiturak tramiteak erraztera baino
zailtzera jotzea.
Laburtuz beraz, tramite administratiboak eta kontableak erraztearen aldeko
proposamena egiten dugu. Ekintza kooperatiboaren arabera baino, egokiagoa da
sozietate kooperatibo izaeraren arabera ardaztea baina hala ez egitea erabakitzen
bada ere, beharrezkoa da tramiteak erraztea. Ekintza kooperatibo terminoa
malgutzearekin batera.
• SESCOOP eta formaziorako laguntzak kooperatiba guztiei zabaltzea.
Formazioak, bai teknikoak eta bai kooperatiboak, daukaten garrantzia kontutan izanik,
beharrezkoa da formazio horren onuradunak kooperatiba guztiak izatea. Esan dugu S
sistema dela indarrean dagoena. Kooperatiba guztiak, dituzten soldatapeko langile
bakoitzagatik (ordainsari orrian ezarritakoaren %1a) ordaintzen diote zerga bidez
administraziori eta ondoren, hau arduratzen da pilatutako fondoak SESCOOP-era
bideratzeaz. SESCOOP-n formazio eskaintza soilik OCB-ra afiliatutako kooperatibak
jasotzen dute.
Sistema ez da onargarria. Ez da normala denek hornitzen duten kutxatik soilik
kooperatiba batzuk jasotzea onura. Sistema berrantolatzea beharrezkoa da.
Bestalde esan beharra dago kooperatibak direla, kooperatiba izaeragatik subentzio
publikoa jasotzen duten bakarrak. Sektoreka dauden antolatuta Brasilen subentzioak
eta ez izaera sozietarioaren arabera. Salbuespena da beraz, sektore kooperatiboak
jasotzen duen laguntza.
346