62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
Azken hamarkadatako euskal kooperatibismoa ezin da ulertu Kontseiluaren presentzia gabe.
Konfederazioarekin hainbat funtzio konpartitzen ditu eta administrazioaren aholku organoa da.
Ordezkaritza beren-beregi dagokio konfederazioari baina gainerako funtzioak, konpartituta
betetzen dituzte. Konstituzioko 129.2 artikuluaren esanetan kooperatibismoaren sustapen eta
promozio ekintzak burutu behar ditu, beti ere kooperatibismoaren onerako diren gainerako
ekintzak baztertu gabe (arbitrajea). 1/82 eta 4/93 legeen arabera honela jasotzen dira funtzioak:
printzipio kooperatiboen hedapena, hezkuntza kooperatiboaren sustapena eta promozioa;
legearen betearazpena bermatzeko administrazio publikoarekin lankidetza; bere eskuduntzako
gaien inguruko xedapen eta erregulazioen gaineko txostenak egitea; arbitraje kooperatiboaren
eta euskal erregimen legalaren hobekuntzan laguntzea.
8.5.2.3. Izaera eta funtzioak
Kontseilua ezaugarri juridiko bereziak dituen entitatea da. Oinarri konstituzionalak dituen
hainbat printzipiotan dauka bere izateko arrazoia: sustapena eta partehartzea batetik, eta
Euskal Kontzertu Ekonomikoan garrantzi handia aitortzen zaion sektore ekonomiko eta sozialari
bultzada emateko interesa bestetik. Izaera juridikoari dagokionean ez da ez doktrinan eta ez
indarrean dauden legetan ere kokapen zehatza daukana. Kontseilua ezin da inongo kategoria
juridikotan kokatu. Beharrak eraginda sortzen den entitatea da. Nahiz eta arau administratibo
zenbaitzutan jasotako egiturekin antza izan, ezin da inon kokatu.
Kontseiluaren ibilbidea Euskal Erkidego Autonomoko bi legetan oinarritu behar da; 1/82 legea
eta 4/93 legea. Lege batetik besterako aldea nabarmena izan da eta bigarrenak, Kontseiluaren
izaera eta funtzioak hobetu egin dituela esan daiteke. Nahiz eta trazu juridiko zehatzik ez izan,
baliotasun osoa daukan egitura da. Konstituzioari jarraiki, kausa kooperatiboa laguntzeko
sortzen den egitura da.
1/82 Kooperatiben legeko 70 artikuluaren arabera, kooperatibismoaren ikerketa eta sustapena
aurrera eramateko organo gorena izateko sortzen da. Oso funtzio garrantzitsua eta zabala da
baina, zehaztugabea aldi berean.
Sustapena, bultzatzea, laguntzea eta hobetzea terminoen esparruan kokatzen da. Bere
eskuduntzapean sartzen da beraz, Euskal Mugimendu Kooperatiboaren antolakuntza eta
funtzionamendua bultzatzea eta garatzea.
Promozioa eta sustapena oso termino zabalak dira baina, Kontseiluaren izaera, osaketa eta
funtzioak kontutan izanik trazu orokorretan eta bi dimentsiotan barneratzera garamatzate;
interes publiko eta pribatuen uztartzera. Ikuspegi publiko batetik, hau da administrazioaren
ikuspegitik ezin du promozioa inposizioz egin baina beharrezko kanalak ezarri behar ditu
promozioa eman dadin.
318