62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
Enpresa ekimen kapitalisten eta kooperatiboen hasierak ez dira normalean berdinak izan.
Kooperatiben aldeko hautua egin izan dutenen - lehen orain baino gehiago- hezkuntza maila,
ez da izaten merkataritza sozietateak bultzatzen duten kideen perfilaren parekoa. Kooperatibak
normalean, behar egoera larrian sortu izan dira, asetzeko premia asko dauden ingurumarietan.
Ondorioz, gertatu izan da hezkuntza eta gestio maila apala dutenen eskutatik sortuak izatea
kooperatibak. Kooperatiben gabezia horretatik eratortzen da gobernuek egikaritu izan duten
zaintza. Zaintza ez da interbentzioa. Zaintza hau ez da beharrezkoa izango kooperatiben gestio
gaitasuna handitzen den neurrian eta beraz, kooperatibetako kudeatzaileak beharrezko
trebetasunak eskuratzen dituzten neurrian 168 .
Zaintza eta interbentzioa dira kontzeptu desberdinak. Zaintzak ez du kooperatiben
funtzionamendua eragotzi beharrik. Horretarako beharrezkoa da arrazoizko mugen barnean
burutzea zaintza. Logikoa izan daiteke eskatzea: kontabilitate argi eta erraz bat eramatera
behartzea; administrazio kontseiluko kideen berri eman beharra eta baita bazkideen alta eta
bajak komunikatzea ere; hainbat ikuskaritza eramatea. Gaur kooperatibek herrialde bakoitzean
duten egoera oso desberdina denez normala da egoera bakoitzera egokitzea Estatuaren
papera ere. Euskal Herriko kooperatibek eta Brasilgoek orokorrean duten egoera oso
bestelakoa da eta honek dakar herrialde bakoitzeko Estatuaren jokabidea ere desberdina
izatea.
Kooperatiben barne bizitzan sartzeko obsesioak ekarri izan du kasu askotan beharrezkoak ez
direnak eskatzea. Kontseilua zenbat kidek osatu behar duen zehaztea; urtean zenbat batzar
egin behar diren zehaztea; hauteskunde garaia noiz izan behar den definitzea… eta beste
hamaika detaile definitzea. Eta hau gutxi balitz bilera bakoitzeko akta eskatzera ailegatzen da
sarritan 169 . Zein eragin dauka hau guztia eskatzeak? Zein eragin dauka kooperatibaren martxan
zazpi edo hamazazpi kide izateak? (kasu honetan sorrerarako eskatzen den gutxienekoak
sortzea bera zaildu dezake). Edo zuzendaritza berritzea noiz komeni den? Edo eskatzen diren
168 Une honetan, Brasilen, Ekonomia Solidarioaren esparruan sortzen ari diren ekimenak gobernuaren
babesa eta zaintza beharrezko duten egoeran daudela esan genezake.
169 Brasilgo kasuan akta legeztatzeak prezio altua eta zailtasun formalak izateak eragotzi du
kooperatibaren aldeko hautua egitea.
254