62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
hala eskatzen duenean; ohar hori orientatzailea izango da, eta bertan aukera baliagarri
batzuk adieraziko dira.
d) Erregistroak Euskadiko Kooperatiben Konfederazioarekin eta beste erakunde batzuekin
lankidetzan jardungo du, Erregistroan gehien erabiltzen diren agirien ereduak
orientatzaileak, lotesleak ez direnak- egiterakoan.
e) Interesatuek eskatzen dutenean, edo esparruren, baltzu-erroldaren ezaugarrien edo
espedientetik ateratako beste datu objektibo batzuen ondorioz hala komeni denean,
ebazpenarekin batera eranskin edo azalpen ohar bat emango da, eta bertan
ebazpenarekin edukien inguruko kontzeptu edo termino juridikoen berri emango da
ahalik eta modurik sinpleenean.
Orain arte ikusitakoaren arabera erregistroak bi funtzio nagusi betetzen ditu. Batetik, bere
jardueratik ondorioztatzen diren xedapen juridikoei dagokiona; bere funtzio juridikoa beraz 228 .
Bestetik berriz, sustapen kooperatiboko tresna aktibo izatea. Erregistroak betetzen duen
funtzioa zein den kontutan izanik, kooperatiba sustapenerako tresna eta baliabideak ere baditu
eta hauek erabiltzen ditu sozietate izaera hau sustatzeko.
Erregistroak funtzio eta ardura hauek betetzeko eraginkortasuna du. Eraginkortasun hau
printzipio batzutan gauzatzen da: publizitate materiala eta formala, legezkotasuna, legitimazioa,
lehentasuna eta tratu jarraituak oinarritzen dute eraginkortasun hau.
Erregistroan inskripzioa egitea derrigorrezkoa da Euskadiko Kooperatiben Legeak edo
Erregelamenduak hala xedatzen duenean. OCB-rekin alderatuz aldea nabarmena da. OCB-k
nahiz eta gurean erregistroak dituen funtzioak izan eta bete, legitimazio hori gaur ez datorkio
legetik beraz, ezin ditu egitura publiko bati dagozkion funtzioak bete eskuduntza ez diolako
esleitu legeak. Gaur OCB-k berak bere buruari ezarritako eskuduntzak ez dute beraz lege
estaldurarik.
228 Funtzio juridikoa da OCB oraindik orain betetzen duena eta bete ezin duena.
308