62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
Gaur esan genezake politika publiko indartsu bat izan ezik, zaila dela Herri Ekonomietako
ekimenak bideragarriak izatea. Neoliberalismo garaia gogorra da horrelako ekimenek aurrera
egiteko. Ez dute lortzen ezta familiaren sostenguari erantzutea ere.
Honi lotuta azaldu digute mikro-kreditu bat ematea erabaki aurretik ongi aztertzen eta
baloratzen dutela proiektu bakoitzaren bideragarritasuna eta izan dezakeen etorkizuna. Gainera
lan hau egiteko baliabide ugari dituzte, formaziodun teknikariak besteak beste. Hala ere,
proiektuaren bideragarritasuna neurtzeaz gain bada beste arazo bat ere. Normalean Ekonomia
Solidarioko ekimenetan dihardutenek ez dute informazioa lortzeko aukerarik izaten. Eskaintzak
ez dira ezagutu ere egiten.
Azkenik, ikasleek azpimarratu dute, Curitiban bizi den egoerak zailtasun bereziak dituela.
Ekonomia Solidarioaren baitan ekimenak martxan jartzen dituztenak langabetuak izaten omen
dira eta, ondorioz, oso adin txarra dute edozein lani ekiteko. Produktua ekoizteko lehengaiak
eskuratzea ere ez da erraza izaten eta ekoiztu ahala saldu egiten dute produktua, sarritan
hainbat eskaera erantzun ere egin gabe geratzen direlarik.
Ikasleen jarrera ulergarria den arren, Estatuaren gain erantzukizun guztia jarri beharrean
eurengan konfiantza gehiago izatea beharrezkoa da.
Ekonomia Solidarioaren baitan autoritate den Paul Singer eta bere aholkularia den Favio
Snachez-en iritziz ere legeak ez luke kooperatiba sortzeko gutxieneko kapital sozialik eskatu
beharko. Gobernua bera lantzen ari den 7.009/2005 Lege proiektuak ere ez du gutxieneko
kapital sozialik eskatzen.
Legeak ez du gutxieneko kapital sozialik eskatzen, ez kooperatiba legeak ez eta Kode Zibilak
ere. Eragile desberdinengandik jasotako iritziak kontutan izanda berriz bi dira jarrerak: OCB-k
gutxieneko kapitala eskatzearen alde egiten du eta Ekonomia Solidarioak berriz aurka.
OCB-k argi du kapitala ez eskatu arren kapitalik gabe sortzen diren ekimenek ez dutela aurrera
egiten eta Ekonomia Solidarioak, uste du egokiagoa dela kapitalik ez eskatzea. Azken hauen
iritziz kapitala eskatzeak zorpetu egiten du ekimena hastapenetatik eta beraz, hobea da
derrigortasunik ez ipintzea.
Espainiako legedian, enpresa jarduera burutu asmoz sortzen diren sozietate mota guztientzako,
eskatzen du legeak eraketarako gutxieneko kapital soziala. Enpresa mota bakoitzarentzako
zenbateko desberdina eskatzen da eta burutu nahi den jarduerak ere baldintzatu egiten du
ezarri beharreko kopurua. Hau kontutan izanik, Brasilgo legedian kooperatibei gutxieneko
kapitala eskatzea onuragarria izan daitekeela uste dugu beti ere, baliabide gutxi duten ekimenei
ahalik eta erraztasun gehien emanez.
160