62377

II. ATALA:
6. 4/93 LEGEAREN ETA 5.764/71 LEGEAREN ARTEKO ALDERAKETA
bestalde, edukiaren garapenean kooperatibaren autonomia errespetatzen da eta ondorioz, lan
erregimenetik ondorioztatzen diren eskubide eta obligazioak era askean garatzeko aukera
eskaintzen du legeak.
Artikulu honek xedatzen duenaren jasotzaileak asko dira: eratzerako unean kooperatibaren
bazkide fundatzaileak; bazkideak, orokorrean, hauek baitira gai honen inguruko arau edo
erabaki oro hartu behar dutenak eta aldi berean, eskubide eta obligazio hauen titular; aldaketa
hauek gestionatu eta aplikatu beharra daukaten administratzaileak; Kooperatiben Erregistroa
hau baita kalifikatu eta inskribatu behar dituena; Lan arloko Administrazioa, honek jakin behar
du kooperatiben autonomia normatiboa errespetatzen; Jurisdikzio Soziala, honek erabaki
beharko ditu kooperatibaren eta lan bazkideen artean sortzen diren lanetik eratorritako
gatazkak, eta horretarako kooperatibaren arauak hartu beharko ditu oinarri moduan.
Estatutu Sozialetan edo Batzar Orokorreko erabakietan eragina duen arau honek,
kooperatibaren bizitzan influentzia handia dauka. Lan Elkartuko Kooperatibatan pisu handia
daukan gai bat da hau, azken batez, kooperatibizatutako lana bereziki, lan bazkideek
eskaintzen duten lana da. Kooperatiba mota hauetan lan bazkideen lanetik eratorritako
eskubide eta obligazioen erregimena da ardatz.
Araua oinarri hartuta beraz, lan bazkideen lan erregimenaren oinarriak ezartzea estatutu
sozialetan jaso daiteke eta honen ezean, Batzar Orokorraren eskuduntzakoa da. Materiaren
zabaltasuna kontutan hartuta legegileak bereizten du oinarrizko marko kontsidera daitekeena
eta honen garapena. Irizpideak eta oinarrizko arauak finkatzea da Batzarrari dagokiona.
Garapenari dagokionean Kontseilu Errektoreak du eskuduntza eta Kontseilu Sozialak ere
ardura garrantzitsua du kooperatibaren araudiaren esparru honetan.
Legeak aipatzen ditu arautu daitezkeen gaiak eta zerrenda honek bi funtzio betetzen ditu:
batetik, funtzio pedagogikoa, hau da, batetik, lan legedi laboralak soldatapeko langileentzako
derrigorrezko izaeraz araututa dituen gaiak zein diren azaltzen ditu eta bestetik, kooperatibak
gai hauek arautzeko autonomia duela gogorarazten digu.
Kooperatibak berak erabaki beharko ditu lan erregimeneko arauak Estatutu Sozialetan
jasotzearen komenigarritasuna, kontutan izanik, alde onak eta txarrak dituela.
Lan munduan orokorrean eta bereziki kooperatibetan aldaketa nabarmenak gertatzen ari direla
kontutan izanik, Estatutu Sozialetan jasotzea badirudi ez dela komeni, estatutuak oinarrizko
ustez bazkideei gutxieneko soldata edo lan aurrerakina ezartzeak ekarriko luke, autonomia urratzea eta
aldi berean, kasu batzutan kooperatiba, bideragarritasun ezagatik desegin beharra.
197