62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
Kooperatibismoaren bidez Estatuak hainbat helburu edo onura lortu ditzake:
- Sistema kapitalista itxiarekin alderatuz, kapitalizazio soziala lortzen da
kooperatibismoaren bidez.
- Justizia soziala eta garapen ekonomikoaren arteko gatazka konpontzea.
- Zerbitzu publikoaren eskaintza irabazi asmorik gabeko enpresa kooperatiboen bidez.
- Kooperatibak aldaketarako eta garapenerako agente izan daitezke.
Kooperatibak badute ekintza politikoa aurrera eramateko helburu bat baina, beharrezkoa da
aldez aurretik kooperatibistak eurak kontzientzia politikoa izatea. Kooperatibistak hiritar eta
helburu politikoak dituen mugimendu bateko kide diren neurrian, gizartearen beharrei
erantzuteko antolatzeko eskubide eta obligazioa dute.
Kooperatibismoak mezu bat dauka eta mezuarekin ahalik eta jende gehienak bat egiteko
ahalegina egin behar dute. Gailentzen den sistemaren aurrean konpetentzia politikoa eta parte
hartzeko era desberdinak garatu beharra dago. Politikak bere helburu eta ideal propioak ditu:
ordenua, justizia, integrazioa, oreka, segurtasuna, ongizate komuna… eratu nahi dugun
gizartearen balore idealak izan behar dute. Hauek dira kooperatibistak euren gain hartu behar
dituzten balioak.
Kooperatibismoa interes politiko oso argiak dituen sistema ekonomiko bat da. Zuzendaritzak
formazio demokratikoan hezi behar du eta aldaketa sozialera bideratu bere jarduna. Aldaketa
hau sistema ekonomikoaren eta politikoaren bidetik etorri beharko da. Ezin da ez bata eta ez
beste alde batera laga.
Kooperatibismoa enpresa bat modu eraginkorrean kudeatzea baino zerbait gehiago da.
Bizitzaren kontzepzio sozial eta ekonomiko bat izatea da; guztien onura bilatu asmo duena.
Botere ekonomikoa, oinarrizkoa da arma politiko moduan. Dirua da gaur arma politikorik
indartsuena. Sindikatu eta beste hainbat mugimenduk boterea duten arren, nekez lortzen dute
aberastasuna dutenekin lehiatzea. Horregatik indartu behar du kooperatibismoak, ondoren bere
imagina zabaltzea lortzeko. Bien bitartean, eguneroko lana eta kooperatibismoaren dibulgazioa
egitea dagokie kooperatibei.
Kooperatibismoak aipatu ditugun helburuak lortzeko indartu eta zabaltzea da erronka. Ez dadila
izan menperatzailea den sistemaren agente osagarri hutsa.
274