62377

II. ATALA:
8. OCB EUSKAL INSTITUZIO KOOPERATIBOEN IKUSPEGITIK
sortuz; bazkideei onurak eskainiz jarduera kooperatiboaren arabera; bai eta kideen beste
ekinbide batzuk babestuz ere.
Hau ere aurrekoarekin zuzenean lotuta dago. Bazkideak egiteak dakar besteak beste, kontrola
eta emaitza ekonomikotan partehartzea izatea. Kooperatibaren garapenarekin lotura zuzena
izateko modua da. Enpresaren jabetzan partehartzea beraz, kontrolarekin eta kooperatiba
izaerarekin lotuta egonik beharrezkoa da printzipio hau betetzea.
Laugarren printzipioa: autonomia eta independentzia
Kooperatibak bazkideek kontrolatutako elkar laguntzarako erakunde autonomoak dira. Beste
erakunde batzuekin harremanetan sartzen badira, baita gobernuekin ere, edo kanpo iturrietatik
finantzazioa lortzen badute, beti helburu dute, kideen aldetik kontrol demokratikoa eta
kooperatibaren autonomia mantentzea.
Printzipio honen eragina eta aplikazioa dira gaur OCB-k duen posizioa auzitan jartzen duena.
Printzipio hau zuzenean lotzen da Estatuaren esku-hartze ezarekin. Aliantzak eta elkarlana
bilatu eta bultzatu behar dira baina, beti ere, bazkideen kontrol demokratikoa eta autonomia
galdu gabe.
Estatuaren esku hartze handiko tradizioa duen errealitate batean kooperatibaren autonomia
aldarrikatzeak esangura berezia hartzen du. Interbentzionismo handiaren menpe egon diren
kooperatibak erronka dute aurrean, auto-konfiantza eskuratu eta mendekotasun publikotik
askatzea. Brasilgo kasuan ez da soilik estatuaren eragina sustapen politikan oinarritua izan,
haratago oraindik, estatuak bere interes bultzatzaile nagusi izateko sortuko du
kooperatibismoaren ordezkaritza ofizialaren tutoretza hartuko duen OCB.
Aurrerago printzipioari egingo diogu erreferentzia beren-beregi eta puntu honetan arreta berezia
jarriz aztertuko dugu OCB-ren lana eta jarriko dugu auzitan bere gaur egungo izaera ere.
Bosgarren printzipioa: hezkuntza, formazioa eta informazioa
Kooperatibak euren bazkideei, zuzendariei eta gerenteei hezkuntza eta formazioa eskaintzen
die, kooperatibaren helburuen betetze eta garapenean lagundu dezaten. Kooperatibaren izaera
eta onuren gaineko informazioa hel arazten diote iritzi liderrei eta gaztediari.
Kooperatibaren erantzukizunetako bat bazkideei formazioa eskaintzea da. Hauena izanik
enpresaren etorkizunean eragiteko ardura behar adina baliabide izan beharko dituzte
horretarako eta tresnetako bat formazioa da. Bazkideek kooperatibaren etorkizuna bideragarri
278