Plani Mësimor dhe Libri i Mësuesit -Gjuha Shqipe

Ora e parë
Objektivat:
-Të lexojnë me ndjenjë e emocion poezinë.
-Të diskutojnë mbi profesionet e përmendura në poezi.
-Të komentojnë një fragment të shkëputur dhe të diskutojnë për të.
Mjetet e punës . Tabela e zezë, shkumësa me ngjyra, gjuha shqipe 6.
Zhvillimi i mësimit
Hapi i parë. Mësuesi zhvillon një diskutim me nxënësit rreth pyetjeve:
- Cili është vendi ynë? Ku shtrihet atdheu ai?
- Çfarë është atdheu për ju?
- Ç’mendime e ndjenja ju ngjallen kur dëgjoni të flitet për vendin tonë?
Nxënësit shprehin mendimet e tyre, të cilat i diskutojnë me njëri-tjetrin. Pyetjet kërkojnë
prej nxënësve dëshirë, predispozicion, prirje dhe vendosmëri për të menduar.
Hapi i dytë. Mësuesi shkruan në tabelë temën e re: “Pse e duam Shqipërinë”
Stuhi mendimesh. Çfarë dimë për shkrimtarin Naim Frashëri?
Nxënësit plotësojnë mbi njohuritë që kanë mbi autorin dhe veprën.
………………….. N. Frashërit ………………………
Hapi i tretë. Mësuesi lexon poezinë, nxënësit dëgjojnë.
Çfarë sugjeron titulli i poezisë? A ju pëlqeu poezia? Nxënësit shprehin mendimet e tyre.
Mendimet merren të gjitha parasysh, pasi në këtë mënyrë ndihmohen nxënësit që të
shprehen lirshëm.
Hapi i katërt. Kalohet në rubrikën Hap pas hapi.
Nxënësit do të identifikojnë ku shprehet në poezia dashuria për Shqipërinë. Ata do të
shprehin mendimet e tyre, ndjenjat që iu la leximi i poezisë.
Më pas diskutohet për profesionet e përmendura në poezi. Ç’dinë nxënësit për to.
Hapi i pestë.
Nxënësit punojnë në fletore ushtrimet.
Grupi i parë.
Ndërtoni një pesëvargësh me titull “Shqipëria”.
Grupi i dytë.
Komento vargjet e mëposhtme:
Kur dëgjon zëthin e s’ëmës.
Qysh e le qengji kopenë
Blegërin dy atri herë
Edhe ikën e merr dhenë...
..........................................................
Në fund të orës së mësimit bëhet vlerësimi i nxënësve pjesëmarrës.
Përmbledhje e orës.
Konkluzione.