Plani Mësimor dhe Libri i Mësuesit -Gjuha Shqipe

Hapi i tretë. Jep sqarime në lidhje me hapat që duhen ndjekur për përgatitjen dhe
realizimin e një interviste.
Para se të organizojmë një intervistë ne duhet të kemi parasysh disa gjëra:
- Caktimi i datës, vendit dhe orës së takimit.
- Parapërgatitje përsa u përket pyetjeve, që do t’i drejtojmë të intervistuarit.
- Të tregojmë respekt e mirësjellje.
- Të mbajmë shënime, të inçizojmë bisedën.
Hapi i katërt. Bisedë.
Si mendoni ju:
1. Pse intervistohet një person?
2. Cilët njerëz intervistohen më shpesh? Pse?
3. Ç’pret lexuesi nga një intervistë?
Hapi i pestë. Punë e pavarur.
Skedë pune
Bëni një skemë me pyetje të cilat do të donit t’ia drejtonit personit që dëshironi të intervistoni.
Shënoni emrin e personit dhe thoni se përse dëshironi ta intervistoni?
Intervistë me ……………………………..
Pyetja 1: ………………………………………………………………………………….
Pyetja 2:……………………………………………………………………………………
Pyetja 3: ……………………………………………………………………………………
Pyetja 4: ………………………………………………………………………………………
Pyetja 5: ………………………………………………………………………………………
Lexohen disa prej skedave me pyetje në klasë.
Sintaksë
Ushtrime. ( Llojet e fjalive të përbëra me bashkërenditje)
Ora e dytë
Objektivat:
- Të dallojnë fjalitë e përbëra bashkërenditëse nga ato nënrenditëse.
- Të gjejnë mjetin lidhës dhe të përcaktojnë llojin e tyre.
- Të kthejnë fjalitë e përbëra bashkërenditëse jolidhëzore në fjali lidhëzore.
Zhvillimi i mësimit
Hapi i parë. Kontroll i detyrave të shtëpisë dhe diskutim rreth tyre.
Hapi i dytë. Punë e pavarur. Ushtrimet 3 dhe 4.
Në tekstin e dhënë nxënësit duhet të dallojnë fjalitë e thjeshta dhe të përbëra, të ndajnë
pjesët e fjalive të përbëra dhe të rrethojnë mjetin lidhës.
Më pas duhet të veçojnë fjalitë e përbëra me bashkërenditje dhe të përcaktojnë llojin e
tyre.