Plani Mësimor dhe Libri i Mësuesit -Gjuha Shqipe

Hapi i dytë. Bisedë me nxënësit në lidhje me preferencat që ata kanë në lidhje me
kafshët shtëpiake, mënyrën se si ata sillen me to.
A keni ju ndonjë kafshë të preferuar? Cila është ajo?
A ju pëlqen të mbani kafshë në shtëpitë tuaja ? Pse?
Çfarë kafshësh mbani?
Si silleni me to?
I ushqeni? Çfarë ushqimesh përdorni për t’i ushqyer?
A i nxirrni shëtitje? Është e nevojshme ti nxjerrim shëtitje? Pse?
A i pastroni?
U keni vendosur emra kafshëve tuaja? Çfarë emrash u keni vënë?
A komunikoni ju me kafshët që mbani në shtëpi?
Më pas mësuesi u kërkon të kthehen te tregimi “Kokoja” dhe të ndalen tek sjellja e të
zotit të fermës. Si e gjykoni ju sjelljen e tij ndaj Kokosë?
A ndjeni keqardhje ju për fundin e Kokosë? Pse?
Hapi i tretë. Diskutim.
Mësuesi shkruan në dërrasë shprehjen: “Sa më shumë njoh njerëzit aq më shumë dua
kafshët”. Diskutim në klasë rreth idesë që përcjell kjo thënie.
Hapi i katërt. Punë e pavarur.
Jepen disa fjalë të urta që u referohen kafshëve. Nxënësit duhet të shkruajnë të tjera.
Kali i mirë shton torbën e tij.
Mos shit qenë të blesh këlyshë.
S’jepet një pelë për një thelë.
Gjarpri ecën dhe fshin gjurmët me bisht.
…………………………………………….
…………………………………………………………..
……………………………………………………………..
Detyrë shtëpie. Nxënësit do të analizojnë ndërtimin gjuhësor të fjalëve të urta dhe do të
nënvizoni mjetet lidhëse në fjalitë e përbëra.
Morfologji
Lakimi i mbiemrit
Objektivat:
- Të dallojnë mbiemrat dhe të përcaktojnë shkallën e tyre.
- Të përdorin drejt në fjali mbiemrat në shkallën pohore, krahasore dhe sipërore.
Fjalë dhe shprehje kyçe: kategoria e shkallës, shkalla pohore, shkalla krahasore, shkalla
sipërore.
Struktura e mësimit
E Brainstorming