Plani Mësimor dhe Libri i Mësuesit -Gjuha Shqipe

R Punë në grup
Zhvillimi i mësimit
1. Evokimi. Praktikë e pavarur.
Çdo nxënës në mënyrë të pavarur do të plotësojë tabelen duke i vendosur emrat e përdorur në
vargjet e dhëna në krye të mësimit sipas numrit që janë përdorur: njëjës/shumës.
Numri njëjës Numri shumës
2. Realizimi i kuptimit. INSERT.
Mësuesi u ndan nxënësve një listë me pyetjet e mëposhtme:
- Kur emri është në numrin njëjës?
- Kur emri është në numrin shumës?
- Cilët quajmë emra të panumërueshëm?
- Si e formojnë shumësin emrat në gjuhën shqipe?
a) Lexim i tekstit nga nxënësit dhe vendosja e shenjave : √, +, -, ?
Nënvizimet e bëra nga nxënësit në libër hidhen në tabelën e INSERT-it.
√ + - ?
b) Diskutim në treshe dhe pastaj në grupe. Nxënësit do të bëjnë plotësime e sqarime midis gjatë
këtyre diskutimeve rreth çështjeve të hedhura në tabelë.
c) Sqarime për pyetjet dhe çështjet e ngritura nga nxënësit. Gjatë kësaj kohe mësuesi bën
plotësimin e mëtejshëm të tabelës. Mësuesi duhet t’u bëjë të qartë nxënësve:
- Çfarë shënon emri në numrin njëjës?
- Çfarë shënon emri në numrin shumës?
- Ç’quajmë emra të numërueshëm / të panumërueshëm?
- Emrat që përdoren vetëm në numrin njëjës/shumës.
- Formimi i numrit shumës tek emrat:
a) me temë të njëjtë në të dy numrat
b) me mbaresa të veçanta që i shtohen temës së numrit njëjës
c) me ndërrime tingujsh, duke marrë mbaresë në disa raste.
3. Reflektimi. Punë në grup.
Grupi 1 – Ushtrimi 1. Nxënësit do të plotësojnë vendet bosh në fjali duke i vendosur emrat në
kllapa në numrin e duhur.
Grupi 2 – Ushtrimi 2. Nxënësit duhet të shkruajnë shumësin e emrave të dhënë.
Punë në dyshe: Nxënësit në dyshe do të plotësojnë Ushtrimi 3. Emrat e dhënë duhet t’i kthejnë në
numrin shumës e të ndërtojnë fjali me ta.
Disa prej nxënësve lexojnë fjalitë që kanë ndërtuar.