Plani Mësimor dhe Libri i Mësuesit -Gjuha Shqipe

Ora e dytë
Objektivat:
- Të ritregojnë shkurt me fjalët e tij fragmentin e dhënë.
- Të portretizojnë portretin moral të heroit.
- Të gjejnë hiperbolat dhe figurat e tjera të përdorura në fragmentin e shkëputur.
Mjetet e punës. Tabela e zezë, shkumësa me ngjyra, gjuha shqipe 7.
Zhvillimi i mësimit.
Hapi i parë. Mësuesi kontrollon detyrën e shtëpisë. Dy – tri nxënës përgatiten ta lexojnë.
Nxënësit kishin për detyrë temën “Si e përfytyroj unë dyluftimin ndërmjet Gjergj Elez
Alisë dhe Bajlozit”.
Nxënësit vlerësojnë detyrën e njëri –tjetrit. Vendoset të zgjidhet detyra e realizuar më
mirë.
Hapi i dytë. Mësuesi ngre dy – tri nxënës të ritregojnë me fjalët e tyre fragmentin. Ata
përpiqen ta ritregojnë bukur. Më pas mësuesi i vlerëson.
Hapi i tretë. Diskutim
Mesazhi i pjesës është “Dashuria atdhetare qëndron përkrah dashurisë vëllazërore”.
Diskutojmë së bashku.
Hapi i katërt. Nxënësit do të punojnë me rubrikën punë e pavarur.
Punohen ushtrimet 5, 6, 7. Ushtrimet e mbetura pa zhvilluar.
Hapi i pestë. Mësuesi vlerëson nxënësit në bazë të aktivizimit të tyre.
Përmbledhje e orës. Konkluzione. Detyra.
Të shkruarit
Përshtatja e vargjeve në prozë.
Objektivat:
- Të krahasojnë fragmentet në prozë dhe në vargje dhe të nxjerrin në pah të përbashkëtat
dhe ndryshimet.
- Të përshtatin vargjet në prozë duke ruajtur të dhënat dhe tiparet kryesore të krijimit.
Zhvillimi i përmbajtjes
1. Hapi i parë. Lexim i dy fragmenteve të dhëna në tekst.
a) Fragmenti në vargje. Fragment nga Kënga e XXII e Iliadës.
b) Fragmenti në prozë, shkëputur nga ………
2. Hapi i dytë. Krahasim i dy fragmenteve për të nxjerrë në pah veçoritë e tyre: të
përbashkëtat dhe dallimet. Plotësim i skemës së mëposhtme:
Si janë emrat e personazheve ………………………………………….
Si jepen personazhet, cilësitë e tyre……………………………………
Si jepet rrjedha e ngjarjeve………………………………………………