Plani Mësimor dhe Libri i Mësuesit -Gjuha Shqipe

- Të diskutojë mbi planet që bënë shokët.
- Të përshkruajë cilësitë e personazheve.
Mjetet e punës. Romani “Aventurat e Tom Sojerit”, Tabela e zezë, shkumësa me ngjyra,
gjuha shqipe 7.
Zhvillimi i mësimit.
Hapi i parë. Mësuesi e nis mësimin me dëgjimin dhe vlerësimin e detyrës së shtëpisë.
Nxënësit vlerësojnë dhe japin mendime mbi detyrën e njëri-tjetrit.
Hapi i dytë. Kllaster për cilësitë e personazhit kryesor,Tom Sojeri.
Nxënësit do të plotësojnë me mendime rreth temës.
Hapi i tretë. Diskutim. Ç’mendime keni për personazhet e fragmentit?
Nxënësit janë të lirë të shprehin mendimet e tyre.
Hapi i katërt. Punë e pavarur.
Nxënësit punojnë në mënyrë individuale në fletore ushtrimin e mëposhtëm.
Cilat veprime kreu Tomi ditën e enjte?
A ishte Beki aq guximtare sa Tomi? Konkretizo me shembuj nga teksti.
Hapi i pestë. Mësuesi vlerëson nxënësit në bazë të aktivizimit të tyre.
Përmbledhje e orës. Konkluzione. Detyra.
Leksikologji
Fusha leksikore
Objektivat:
- Të ndërtojnë fushën leksikore të fjalëve të ndryshme.
Materialet mësimore: teksti i nxënësve, Fjalori i Gjuhës Shqipe, shkumësa, etj.
Metodat e mësimdhënies: Kllaster, teknika e pyetjeve, ilustrim, shpjegim, diskutim, punë në
dyshe, punë e pavarur.
Zhvillimi i mësimit
Hapi i parë. Punë e pavarur. Plotësoni skemën.
Shkruani fjalë që lidhen kuptimisht me fjalët nxënës, sport.
Nxënës, mësim, klasë,
……………………………………………………………………….
Sport,………………………………………………………………………………………
Ndërtoni fjali me këto dy fjalë.
Hapi i dytë Teknika e pyetjeve.
A keni punuar me fjalorin e gjuhës shqipe?
Si renditen fjalët në fjalor?
Hapi i tretë. Ilustrim. Mësuesi punon me Fjalorin e Gjuhës Shqipe duke u sqaruar
nxënësve mënyrën e renditjes së fjalëve në Fjalor dhe si duhet punuar me të.
Mësuesi ndalet në fjalë konkrete dhe lexon shpjegimet që jepen në Fjalor. Mësuesi sqaron
se si jepen kuptimet e fjalëve në Fjalor.
Më tej mësuesi ndalet në grupimet e fjalëve në fusha leksikore.