Plani Mësimor dhe Libri i Mësuesit -Gjuha Shqipe

- Funksionet e përemrit vetor në fjali: kryefjalë, kundrinor I drejtë, kundrinor I zhdrejtë
më dhe pa parafjalë.
- Vendi që zenë përemrat vetorë në fjali.
3. Reflektimi. Test diagnostikues.
Mësuesi e bazon testin tek ushtrimet e tekstit (ushtrimet 1-4).
1. Në vend të pikave vendosni përemrin vetor që mungon.
Që sot … je e lirë.
…. ndiqte një burrë që vraponte si patok.
-…. nuk kemi frikë, mjeshtër.
…. as shihte, as dëgjonte e as merrte frymë.
Se …. vëllezër nuk kam. ….. kanë vite që kanë rënë për liri e flenë të qetë.
-Po … nga e dini…?
2. Nënvizoni përemrat vetorë dhe thoni vetën, numrin, gjininë (nëse kanë) dhe rasën e
tyre.
“ –Po ç’u bëre, mor të keqen gjyshja? Ta dish sa na ke trembur. S’lamë vend pa pyetur
për ty. Mamanë s’e zuri gjumi. As mua. Ndenjëm gjithë natën duke të pritur. Ike ti dhe na
dukej shtëpia bosh. Cikoja, në karrige, dëgjonte i lumtur tregimin e gjyshes dhe i dukej se
asnjëherë s’kishte provuar një kënaqësi të tillë. –Kush ju tregoi se ishim në Rrëzë? – pyeti
Cikoja.
-Të gjithë kështu thoshin, do të ketë shkuar te partizanët. Edhe yt atë kështu tha: “ Mos u
bëni merak. Atje do të jetë”. Po neve s’na qetësohej zemra. “Ç’na gjeti, - thoshim, -ç’na
gjeti! Djalin që e kishim si flori”. Dhe mua s’më hynte gjë në sy. Pastaj erdhën shokët e
pyetën për ty.”
3. Në tekstin e mësipërm gjeni trajtat e shkurtra dhe thoni se cili është roli i tyre në fjali.
4. Zëvendësoni fjalët e theksuara me përemrin vetor përkatës dhe përcaktoni funksionin e
tyre në fjali.
Valltarët ishin mbledhur përpara sallës së shfaqjeve.
E kishte thirrur Anën në emër por nuk i ishte përgjigjur.
Për Norën kjo ishte dita e shumëpritur.
Vajzave iu kërkua të paraqiteshin me uniformë.
Nëna hapi krahët dhe përqafoi fort të birin.
Në përfundim të kohës mësuesi jep përgjigjet e sakta dhe nxënësit vetëvlerësohen.
Mësuesi numëron për çdo rast nxënësit që kanë dhënë zgjidhje të sakta. Kështu
vazhdohet deri në fund.
Përmbledhje e orës dhe vlerësim.
Të folurit
Flasim për dashuriat tona.
Objektivat:
- Të flasin dhe të diskutojnë rreth leximit të librave.
- Të tregojnë rreth raportit të tyre personal me librin.
Motivimi: A mendoni se interesi i njerëzve për librin ka rënë? Nëse po, pse?