Plani Mësimor dhe Libri i Mësuesit -Gjuha Shqipe

Konkluzione.
Detyra.
Drejtshkrim.
Takimi i dy shkronjave të njëjta
Objektivat:
- Të shkruajnë dhe të shqiptojnë drejt takimet e bashkëtingëlloreve të njëjta të tipit dd, hh, nn, rr,
ss, tt, shsh.
- Të shkruajnë dhe të shqiptojnë drejt takimet e dy shkronjave të njëjta në fjalët e huaja.
Metodat e mësimdhënies: diktim, shpjegim, ilustrim, punë e drejtuar, punë në dyshe, punë e
pavarur.
Zhvillimi i mësimit
Hapi i parë. Diktim (10’). Mësuesi u lexon një tekst të shkurtër që përmban fjalë ku takohen
shkronja të njëjta.
Hapi i dytë. Mësuesi kontrollon punën e nxënësve dhe korrigjon gabimet e mundshme.
Hapi i tretë. Shpjegon si duhen shkruar dhe shqiptuar fjalët ku haset takimi i dy shkronjave të
njëjta. Për secilin rast jep shembuj.
a- Kur në formim fjalësh a trajtash takohen dy shkronja të njëjta, njëra prej të cilave
mund të bëjë pjesë në një dyshkronjësh, ato shkruhen të dyja: kënddrejtë, kundërreformë,
mossulmim, zëvendëssekretar; në arrittë; i kujdesshëm, passhkrim, leshhollë, shpeshherë,
veshshkurtër, etj.
Shkronjat e njëjta mund të jenë:
• Bashkëtingëllore: kënddrejtë, nënndarje, kundërreformë, zëvendëssekretar, etj.
• Zanore : i paargumentuar, i paanshëm, joobjektiv, jooksidues, etj.
Kujdes: Kur takohen shkronjat r me rr dhe l ose ll me ll, shkruhet vetëm rr ose ll:
përreth, dembellëk, fodullëk, jeshillëk, etj.
b- Takimi i dy shkronjave të njëjta të tipit alkool në fjalët e huaja
Në gjuhën shqipe ka një grup fjalësh me prejardhje të huaj në të cilat haste takimi I dy
shkronjave të njëjta. Këto fjalë i përkasin më së tepërmi terminologjisë teknikoshkencore.
Fjalët e huaja me –oo- shkruhen me –oo- dhe në shqipe: alkool, kooperativë, koordinatë, zoolog,
zoologji, zoogjeografi.
Hapi i katërt. Punë e drejtuar. Ushtrimi 1 dhe 4. Nxënësit nën drejtimin e mësuesit punojnë
ushtrimin 1. Lexojnë me zë fjalët e dhëna dhe gjejnë fjalët e shkruara gabim. Më pas I shkruajnë
saktë në fletore. Më pas me ndihmën e Fjalorit dhe të mësuesit punojnë ushtrimin 4.
Hapi i pestë. Punë në dyshe. Ushtrimi 2 dhe 3.
Kontroll dhe vlerësim i punës së nxënësve.
Hapi i gjashtë Punë e pavarur. Ushtrimi 5.
Kontroll dhe vlerësim për nxënës të niveleve të ndryshme.
Detyrë shtëpie. Ushtrimi 6.