Plani Mësimor dhe Libri i Mësuesit -Gjuha Shqipe

Prometeu u dha njerëzve dritën, u hapi sytë. Ku duket kjo? Konkretizo me shembuj në tekst.
Grupi i tretë.
Si mendoni ju çfarë të mirash do kishin njerëzit prej zjarrit? Kujtoni nga historia
njohuritë e marra. Diskutoni me njëri – tjetrin.
Grupi i katërt.
Nxirrni detajet të cilat pasqyrojnë ditët e fundit të Aleksandrit të Madh.
Hapi i shtatë. Mësuesi vlerëson nxënësit sipas aktivizimit të tyre.
Përmbledhje e orës. Konkluzione. Detyra.
Sintaksë
Kundrinori i drejtë dhe i zhdrejtë.
Ora e parë
Objektivat:
- Të dallojnë kundrinorët dhe të përcaktojnë llojin e tyre.
- Të përcaktojnë natyrën e tyre, me se janë shprehur ata.
- Të përdorin drejt kundrinorin e drejtë dhe të zhdrejtë me dhe pa parafjalë në fjali.
Fjalë dhe shprehje kyçe: Kundrinor i drejtë, kundrinor i zhdrejtë me parafjalë, kundrinor i
zhdrejtë pa parafjalë, gjymtyrë e dytë, gjymtyrë e domosdoshme, etj.
Zhvillimi i mësimit
Hapi i parë. Lexohet teksti i dhënë në hyrje të mësimit dhe mësuesi u kërkon nxënësve
të përqendrohen te fjalët me shkronja të zeza. U kërkon nxënësve të thonë çfarë tregojnë
fjalët me të zeza. Me çfarë gjymtyre kemi të bëjmë?
Hapi i dytë. Brainstorming + kllaster. Për çfarë shërbejnë kundrinorët? Si i ndajmë ata? Me se
shprehen?
pa parafjalë
I drejtë - Kundrinori - i zhdrejtë
me parafjalë
Nxënësit nënvizojnë kundrinorë të tjerë që gjenden në tekstin e lexuar. Ata duhet t’i
ndajnë kundrinorët sipas llojeve dhe të thonë me se janë shprehur ata.
Hapi i tretë. Mësuesi jep shpjegime për secilin prej llojeve të kundrinorëve.
Ai duhet t’u bëjë të qartë nxënësve:
Çfarë tregojnë kundrinorët e drejtë.
Me çfarë shprehet.
Roli i tij në fjali dhe vendi që zë në të.
Çfarë tregon kundrinori i zhdrejtë, me dhe pa parafjalë.
Ndërtimi dhe roli i tij në fjali.
Gjatë shpjegimit mësuesi përdor fjali për ilustrim.