Plani Mësimor dhe Libri i Mësuesit -Gjuha Shqipe

Mos fol aspak, bën mirë të përsërisësh tabelën nëse do që të të pranojnë në tetëvjeçare.
-Hej, ti atje, bëj kujdes! Mbaroi mësimi. Si mund ta mendosh që unë qenkam një burrë i
mirë brenda shtëpisë kurse jashtë shtëpisë më pak i mirë. Tregu po zbrazej. Do të kisha
shkuar edhe unë me ta, po të më kishin thënë. Qofshi të lumtur! U trashëgofshi!
Dëftore
Lidhore
Kushtore
Habitore
Dëshirore
Urdhërore
4. Shkruani format e pashjelluara të dy prej foljeve të tabelës.
P.sh. Pjesorja – folur, ………..
Përcjellorja - …………………………….
Paskajorja - ………………………………………..
Vlerësimi:
Përmbushja e saktë e të 4 ushtrimeve (ose vetëm me një përgjigje të gabba brenda një
ushtrimi) vlerësohen me notën 10.
Për çdo përgjigje tjetër të gabba qoftë edhe brenda ushtrimit, ulet 1 notë.
4. Detyrë shtëpie. Ushtrimi 5. Nxënësit do të bëjnë një përshkrim të vendlindjes duke
përdorur folje në mënyra të ndryshme.
Të lexuarit
Mitrush Kuteli.
Rina dhe Radhavani
Ora e parë
Objektivat:
- Të lexojnë për të identifikuar rrëfenjën.
- Të dallojnë cilësitë e personazheve kryesorë që dalin në këtë rrëfenjë.
- Të dallojnë karakteristikat e rrëfenjës e t’i shpjegojnë ato.
Mjetet e punës. Tabela e zezë, shkumësa me ngjyra, gjuha shqipe 7, rrëfenja “Natë
vjeshte të tretë”.
Zhvillimi i mësimit
Hapi i parë. Në këtë orë mësimi, nxënësit do të njihen me rrëfenjën, karakteristikat e saj.
Mësuesi ndërton në tabelë një kllaster me fjalën rrëfenja, dhe ai plotësohet së bashku me
nxënësit.
.................................................... Rrëfenja ................................................
Ai njëkohësisht u drejton pyetjet nxënësve: A keni lexuar rrëfenja të tjera nga autori
Mitrush Kuteli?
Hapi i dytë. Mësuesi përzgjedh nxënësit të cilët do të lexojnë rrëfenjën. Ai mund të zgjedh
nxënësit të cilët lexojnë më bukur.