Plani Mësimor dhe Libri i Mësuesit -Gjuha Shqipe

Zhvillimi i mësimit
Hapi i parë. Mësuesi e nis mësimin me leximin e detyrave të shtëpisë. Komentohen
detyrat mbi materialet e sjella.
Hapi i dytë. Mësuesi ka sjellë një material mbi temën e mësimit. Ai lexohet dhe shtrohen
pyetje të mëtejshme.
- Si lindi problemi kosovar?
- A e dini cilin skaj të Shqipërisë përfshin krahina shqiptare e Kosovës?
- A do të thotë tragjedia kosovare spastrim etnik,luftë fetare, shkelje e të drejtave
njerëzore? Mësuesi ndërhyn në diskutim, duke dhënë informacione të mëtejshme.
Hapi i tretë. Kalohet te rubrika Përpunim gjuhësor. Nxënësit punojnë në mënyrë
individuale në fletore ushtrimet e tekstit, ushtrimet 8, 9.
Hapi i katërt. Mësuesi vlerëson detyrat duke lexuar punën më të mirë.
Në fund të orës bëhen vlerësimet përkatëse sipas aktivizimeve të nxënësve.
Përmbledhje e orës.
Konkluzione.
Detyra
Të shkruarit.
Shkruajmë një prozë poetike
Objektivat:
- Të shkruajnë një prozë poetikë duke patur parasysh veçoritë e saj.
Zhvillimi i mësimit
Hapi i parë. Brainstorming.
Ç’është proza poetike?
Hapi i dytë. Praktikë e drejtuar.
Mësuesi së bashku me nxënësit, duke u bazuar edhe te njohuritë e marra orën e kaluar,
evidentojnë veçoritë e prozës poetike. Mësuesi i shënon ato në dërrasë të zezë.
Veçoritë e prozës poetike
Mbështetet në përshkrimin e saktë.
Shpreh përjetimet dhe ndjesitë që i shkaktohen shkruesit nga ajo që shëh.
Figurat më të përdorura janë: krahasimi, epiteti dhe metafora.
Foljet janë në kohën e tashme dhe në të pakryerën.
Mendime të shprehura me gjuhë të bukur dhe me shprehje letrare.
Hapi i tretë. Punë e pavarur. Shkrim i lirë.
Duke u mbështetur në pamjet e dhëna në tekst bëni një përshkrim. Mbani parasysh
veçoritë e mësipërme.