Plani Mësimor dhe Libri i Mësuesit -Gjuha Shqipe

E Kllaster
R Shpjegim + diskutim
R Minitesti
Evokimi. Kllaster.
Mësuesi shkruan në tabelë fjalën Magjia.
Nxënësit plotësojnë me mendimet e tyre kllasterin mbi këtë fjalë.
Merren parasysh mendimet e nxënësve.
Realizimi i kuptimit. Shpjegim + diskutim.
Mësuesi diskuton me nxënësit për sa u përket pyetjeve :
Me çfarë lidhet magjia?
A është magjia edhe një mënyrë argëtimi? Shprehni mendimin tuaj.
Nxënësit shprehin mendimet e tyre.
Reflektimi. Minitesti.
A ju pëlqejnë t’i shihni e t’i përjetoni marifetet e ndryshme që vijnë nga shpejtësia e atij
që i bën?
Në fund të orës mësuesi vlerëson nxënësit.
Përmbledhje e orës. Konkluzione. Detyra.
Sintaksë
Llojet e fjalive të përbëra me bashkërenditje.
Ora e parë
Objektivat:
- Të dallojnë fjalitë e përbëra me bashkërenditje nga fjalitë e përbëra me nënrenditje.
- Të dallojnë fjalitë e përbëra bashkërenditëse lidhëzore dhe fjalitë e përbëra
bashkërenditëse jolidhëzore.
- Të bëjnë skemën e fjalive të përbëra bashkërenditëse.
Materialet mësimore: teksti i nxënësit, shkumësa me ngjyrë, fletore, etj.
Metodat e përdorura: kllaster, shpjegim, ilustrim, punë e pavarur.
Zhvillimi i mësimit
Hapi i parë. mësuesi shkruan në dërrasë fjalitë:
a- Breshëri e ka rrahur dhe bora e shiu e kanë larë…
b- Do të referosh sot apo e ke nesër radhën?
c- Lumi fle, hasmi s’fle.
U kërkon nxënësve të bëjnë skemën e fjalive të përbëra me bashkërenditje dhe të gjejnë
me se janë lidhur pjesët përbërëse.
Hapi i dytë. Duke u nisur nga fjalitë dhe nga përgjigjet e nxënësve shpjegon llojin e
lidhjes së fjalive bashkërenditëse: lidhëzore dhe jolidhëzore.