Plani Mësimor dhe Libri i Mësuesit -Gjuha Shqipe

2. Hapi i dytë. Praktikë e pavarur. Nxënësit do të punojnë në mënyrë të pavarur me
ushtrimet 1-7 në librin e gjuhës shqipe 7. Disa prej ushtrimeve do të punohen në fletore
(2, 3 dhe 4), ndërsa ushtrimet e tjera (1. 6 dhe 7) në libër.
3. Hapi i tretë. Kontroll i praktikës së pavarur.
Diskutim në dyshe. Nxënësit do të ballafaqojnë punën mes njëri-tjetrit dhe do të bëjnë
ndërhyrjet e nevojshme.
Diskutim në klasë.
Mësuesi jep përgjigjet e sakta dhe nxënësit vetëkorrigjohen. Ose nxënësit përgjigjen dhe
mësuesi gjykon e vlerëson zgjidhjen e dhënë prej tyre.
4. Hapi i katërt. Punë në dyshe. (ushtrimi 5).
Nxënësit në dyshe do të realizojnë një dialog me shogun/shoqen e bankës ku të përdorin
përemra vetor dhe përemra pyetës. Dialogun do ta shkruajnë në fletore dhe do të
përcaktojnë kategoritë për secilin prej përemrave të përdorur.
Të lexuarit
Nasho Jorgaqi
Kur preka qiellin medorë
Objektivat:
- Të lexojnë për të identifikuar legjendën.
- Të analizojnë ngjashmëritë dhe dallimet ndërmjet përbindëshit të Bistricës dhe kuçedrës së
përrallës.
Të diskutojnë mbi elementet realë dhe të trilluar të legjendës.
Mjetet e punës. Tabela e zezë, shkumësa me ngjyra, gjuha shqipe 7.
Zhvillimi i mësimit
E Kllaster
R Shpjegim + diskutim
R Teknika e pyetjeve
Evokimi. Kllaster.
Mësuesi shkruan në
tabelën e zezë fjalën Legjendë.
Ai u drejton nxënësve pyetjet:
Ç’dini ju mbi legjendën? Përmendni disa tituj legjendash.
A vëmë re përzierjen e elementëve fantastikë me ata realë në legjendë?
Nxënësit lihen për disa momente të mendohen, më pas dëgjohen mendimet e tyre për të
plotësuar kllasterin e ndërtuar.