Plani Mësimor dhe Libri i Mësuesit -Gjuha Shqipe

………………………………………………………………………………………………
..
Morfologji
Përemri vetor
Objektivat:
- Të dallojnë përemrat vetorë dhe të përcaktojnë saktë gjininë, numrin dhe rasën e tyre.
- Të përdorin drejt në fjali përemrat vetorë.
Struktura e mësimit
E Praktikë e pavarur
R INSERT
R Test diagnostikues
Zhvillimi i përmbajtjes
1. Evokimi. Brainstorming.
Mësuesi lexon tekstin e dhënë në krye të mësimit dhe u kërkon nxënësve të thonë çfarë
tregojnë fjalët me të zeza? Çfarë klasë përfaqësojnë?
Ç’është përemri vetor?
2. Realizimi i kuptimit. INSERT.
Mësuesi u ndan nxënësve një listë me pyetjet e mëposhtme:
- Çfarë tregon përemri vetor?
- Cili përemër vetor ka trajta të veçanta për të dyja gjinitë, femërore dhe mashkullore?
Cilat janë trajtat përkatëse?
- Si lakohet përemri vetor?
- Çfarë funksionesh luan në fjali përmri vetor?
- Ç’vend zënë ata në fjali?
Ora vazhdon me:
a) Lexim i tekstit nga nxënësit dhe vendosja e shenjave: √, +, -, ?.
Nënvizimet e bëra nga nxënësit në libër hidhen në tabelën e INSERT-it.
√ + - ?
b) Diskutim në çifte (ose treshe) dhe më pas në grupe. Nxënësit do të bëjnë plotësime e
sqarime midis tyre gjatë këtyre diskutimeve rreth çështjeve të hedhura në tabelë.
c) Sqarime për pyetjet dhe çështjet e ngritura nga nxënësit. Mësuesi bën plotësimin e
mëtejshëm të tabelës. Ai duhet t’u bëjë të qartë nxënësve:
- Trajtat e veçanta për gjininë mashkullore dhe femërore të përemrit vetor të vetës së
tretë: ai /ajo; ata /ato. Si përdoren ato.
- Si lakohet përemri vetor duke e ilustruar me tabelën e lakimit të përemrave vetorë.