Plani Mësimor dhe Libri i Mësuesit -Gjuha Shqipe

E Pyetje - përgjigje
R Shpjegim + diskutim
R Praktikë e drejtuar dhe praktikë e pavarur
Evokimi. Pyetje – përgjigje.
Mësuesi shkruan në dërrasën e zezë titullin e romanit: “Aventurat e Tom Sojerit”.
Ai u drejton pyetjet nxënësve:
A e keni lexuar romanin “Aventurat e Tom Sojerit”? A ju pëlqen ky roman? Pse?
Ç’ju ka bërë më shumë përshtypje?
Dëgjohen mendimet e nxënësve, duke u dhënë të drejtën të flasin pothuaj të gjithë.
Realizimi i kuptimit. Shpjegim + diskutim.
Mësuesi u flet mbi disa të dhëna për autorin Mark Tuen.
Në romanet e tij përshkruhen personazhe të përfshirë në aventura të ndryshme e të shumta, të
cilat janë të mbushura me nota humori e të futin në një botë tjetër, aq të dashur për fëmijët.
Më pas diskutohet nisur nga rubrika hap pas hapi.
Tomi dhe Geku kishin ditë që përgatiteshin. Cili ishte plani i tyre?
Çfarë mendimesh i shkonin ndërmend Bekit për Tomin?
Çfarë i kishte ndodhur Tomit? Pse ai i përsërit shokut të vet fjalët, vrapo?
A e kishte parë Tomi arkën e parave?
Ç’zbulimi kishte bërë Tomi?
Fëmijët kishin frikë për të marrë arkën e parave. Pse? Ç’vendosën ata të bënin?
Reflektimi. Praktikë e drejtuar dhe praktikë e pavarur.
Nxënësit fillojnë të punojnë në mënyrë individuale në fletore.
Grupi i parë.
A tregon guxim Tomi, duke vepruar ashtu? Po ju a do kishit guximin e tij?
Grupi i dytë.
Do të donit të ishit me Tomin në këtë aventurë të tij ? Pse?
Grupi i tretë.
A ishte aq guximtar sa Tomi ? Konkretizo me shembuj nga teksti.
Më pas nën drejtimin e mësuesit do plotësohen ushtrimet 12. 13.
Në fund vlerësohen nxënësit e aktivizuar.
Përmbledhje e orës. Konkluzione. Detyra.
Të lexuarit
Mark Tuen.
Arratisja.
Ora e dytë
Objektivat:
- Të lexojë për të identifikuar personazhet e pjesës.