Plani Mësimor dhe Libri i Mësuesit -Gjuha Shqipe

arriti të frenonte me kohë dhe kësisoj e pagoi vrullin me një çarje të kanotieres nga qafa
deri në brez. Tani kurrizi i tij mund të ajrosej më lirshëm.
Shpresoja se qysh në njëqind metrat e parë do të shkëputesha nga grupi dhe do të kisha
nderin ta udhëhiqja deri në fund. Sedra ime u përzhit, kur vura re se ndodhesha në radhët
e parafundit, po ja, tamam këtë të mirë kanë vrapimet e thella e gjysmë të thella: ke kohë
të mendohesh, të bësh llogari dhe të shpresosh se do t’i kalosh të gjithë ata që vrapojnë
para teje.” (N. Prifti, Erë mali, erë fushe.)
4. Me foljet këndoj, studioj formoni fjali duke i vendosur në kohën e pakryer të dëftores e
lidhores.
………………………………………………………………………………………………
……………………………………………………………………………………
Nxënësit do të punojnë në mënyrë të pavarur për një kohë prej 25’. Mësuesi ndihmon
nxënësit duke u qëndruar pranë.
2. Diskutim e vlerësim i punës së pavarur:
a) Diskutim në grupe dyshe. Nxënësit do të ballafaqojnë punën mes njëri-tjetrit dhe do të
bëjnë ndërhyrjet e nevojshme.
b) Diskutim si klasë. Nxënësit përgjigjen dhe mësuesi gjykon dhe vlerëson zgjidhjen e
dhënë prej tyre. Kujdes tregohet në aftësimin e nxënësve në analizat e foljeve dhe në
ndërtimin e fjalive.
3. Praktikë e pavarur. Nxënësit do të shkruajnë një tregim të shkurtër ku të përdorin
folje në kohë të ndryshme në mënyrën kushtore e lidhore.
4. Detyrë shtëpie. Të përfundohet tregimi.
Të folurit
Flasim për mjedisin.
Objektivat:
- Të flasin dhe të diskutojnë rreth raporteve që krijon njeriu me mjedisin.
- Të sjellin shembuj konkretë nga jeta e tyre dhe nga mjedisi ku jetojnë.
- Të ndërgjegjësohen në mbajtjen pastër të mjedisit ku jetojnë dhe veprojnë.
Zhvillimi i mësimit
Hapi i parë. Kontrollohen detyrat e shtëpisë. Lexohen në klasë dy-tre nga punët e nxënësve.
Hapi i dytë..Nxënësit ndalen të imazhet që përcjellin fotot e dhëna në tekst dhe i komentojnë ato.
Në foto paraqiten imazhe të ndryshme ku spikat, nga njëra anë mjedisi i pastër, i mbajtur mirë
dhe nga ana tjetër, mjedisi i shfrytëzuar dhe i shkatërruar prej njeriut.
Hapi i tretë. Bashkëbisedim me nxënësit rreth raportit të njeriut me mjedisin.
Si sillemi ne me mjedisin që na rrethon? Jepni shembuj duke u nisur nga vetja por edhe
nga ajo që shihni në ambientin ku jetoni.
Kohët e fundit mediat flasin shumë për dukuri të shumta negative që po ndodhin në
planetin tonë e që e kanë zanafillën në sjelljen, ndikimin e njeriut në mjedis, si p.sh, rritja
e temperaturave, ngrohja globale, tërmete, cuname, etj.