Plani Mësimor dhe Libri i Mësuesit -Gjuha Shqipe

- Të komentojnë një fragment të shkëputur nga poezia.
Mjetet e punës. Tabela e zezë, shkumësa me ngjyra, gjuha shqipe 6.
Struktura e mësimit
Hapi i parë .Mësuesi i ka udhëzuar nxënësit që orën e kaluar të gjejnë informacion mbi
historinë për shpërnguljen nga trojet etnike të çamëve. Ndërkohë edhe mësuesi sjell
informacion të pasur me foto të ndryshme rreth kësaj tragjedie.
Hapi i dytë. Mësuesi shkruan në tabelën e zezë fjalën Çamëri.
U drejton pyetjet nxënësve:
- Çfarë ju kujton ky emër?
- Ç’dini ju nga historia për shpërnguljen nga trojet etnike të çamëve?
- Kush i përzuri çamët nga trojet?
Nxënësit shprehen mendimet e tyre, në bazë edhe të materialit të sjellë, lexojnë edhe
informacionet e marra.
Hapi i tretë. Më pas mësuesi zgjedh një nxënës i cili lexon me ndjenjë e emocion.
Lexohet poezia. Mësuesi shpjegon sesi kjo vjershë flet për tragjedinë e dhimbshme të
popullësisë së pafajshme shqiptare të Çamërisë, e cila u detyrua nga shovinistët grekë të
braktiste trojet amtare. U masakruan dhe u vranë qindra njerëz të pafajshëm, kryesisht
gra, fëmijë e pleq.
Më pas u drejton pyetje:
Ç’përshtypje e parë që ju la kjo vjershë lirike? Për çfarë tregon kjo vjershë lirike?
Dëgjohen mendimet e nxënësve.
Hapi i katërt. Nxënësit punojnë në mënyrë të pavarur në fletore rubrikën Vlerësojmë
dhe analizojmë tekstin. Nxënësit punojnë ushtrimet 5, 6.
Hapi i pestë. Mësuesi kontrollon punën e nxënësve duke motivuar punën e tyre.
Në fund të orës bëhen vlerësimet përkatëse sipas aktivizimit të nxënësve.
Përmbledhje e orës.
Konkluzione.
Detyra.
Të lexuarit
Ali Podrimja
Drenica
Ora e dytë
Objektivat:
- Të përshkruajnë ndjesitë që ndien kur lexon këtë vjershë.
- Të analizojnë karakterin tregimtar të kësaj balade.
- Të dallojnë figurat stilistike e të diskutojë mbi to.