Plani Mësimor dhe Libri i Mësuesit -Gjuha Shqipe

Ora e dytë
Objektivat:
- Të përcaktojnë cilësitë e rrobaqepësit.
- Të diskutojnë mbi thënien ``Isha stacioni i fundit i rrobave të përdorura``.
‐ Të përshkruajnë gjendjen shpirtërore të djalit sapo provon xhaketën e re.
Mjetet e punës. Tabela e zezë, shkumësa me ngjyra, gjuha shqipe 7.
Zhvillimi i mësimit.
Hapi i parë. Mësuesi e nis orën e mësimit duke lexuar detyrën e shtëpisë. Nxënësit vlerësojnë
njëri –tjetrin.
Hapi i dytë. Mësuesi shtron pyetjet për bashkëbisedim:
Ç’kuptoni ju nga dialogu ndërmjet nënës dhe rrobaqepës Nakos? Ku shfaqet ironia e këtij
rrobaqepësi mashtrues?
Si e kuptoni ju thënien:
“Isha stacioni i fundit i rrobave të përdorura”
Dëgjohen mendimet e nxënësve, duke respektuar secilin prej tyre.
Hapi i tretë. Punë e pavarur.
Nxënësit punojnë në fletore në mënyrë individuale. Mësuesi ndan klasën në tre grupe.
Grupi i parë.
Ç’temë trajtohet në këtë tregim? Si e vuante mjerimin kjo familje?
Grupi i dytë.
Si e kuptoni ju proverbin “Këmisha e arnuar, por zemra të jetë e gëzuar”.
Grupi i tretë.
Përshkruani gjendjen shpirtërore të djalit sapo provon xhaketën e re.
Hapi i katërt. Minitesti
Shpjegoni me fjalët tuaja shprehjet e mëposhtme:
- për të na zënë sytë
- na e bënte hasha
- s’ma vari fare
Hapi i pestë. Mësuesi vlerëson nxënësit pasi të kenë mbaruar detyrat e dhëna.
Përmbledhje e orës. Konkluzione. Detyra.
Të shkruarit
Përshkruajmë një udhëtim
Objektivat:
- Të shkruajnë një udhëpërshkrim duke respektuar veçoritë e ndërtimit të udhëpërshkrimit
si një lloj i tekstit rrëfimtar joletrar.
Zhvillimi i mësimit