Plani Mësimor dhe Libri i Mësuesit -Gjuha Shqipe

meshollë, moshapje, shtathedhur; gazhedhëse, Ethem, Mithat.
U kërkon nxënësve t’i lexojnë më zë të lartë këto fjalë.
Jep sqarime në lidhje me drejtshkrimin dhe drejtshqiptimin e tyre.
Në rastet e takimit të bashkëtingëlloreve d,t, s, z, x me bashkëtingëlloren h në gjuhën
shqipe hasim në vështirësi në shkrimin dhe leximin e tyre, pasi ato mund të lexohen si
bashkëtingëlloret me shkronja dyshe: dh, th, sh, zh, xh. Në këto raste ato shkruhen pa
apostrof, pa vizë apo ndonjë shenjë tjetër ndarëse midis tyre, por shqiptohen si shkronja
të veçuara.
Më tej mësuesi njeh nxënësit me rregullat e drejtshkrimit dhe drejtshqiptimit në rastet e
takimit të bashkëtingëlloreve g, n me bashkëtingëlloren j.
Fjalët dhe trajtat e fjalëve me theks në rrokjen e parafundit, tek të cilat takohet g-ja ose nja
e temës me j-në e prapashtesës a të mbaresës, shkruhen me i dhe jo me j, për të
mënjanuar shqiptimin e këtyre dy shkronjave si një tingull i vetëm (gj ose nj).
Shembuj në dërrasë për këto raste.
Hapi i katërt. Punë e drejtuar. Ushtrimi 1. Mësuesi punon me nxënësit ushtrimin 1.
Hapi i pestë. Punë e pavarur. Ushtrimet 2, 3 dhe 4. Nxënësit punojnë në mënyrë
individuale.
Mësuesi kontrollon dhe vlerëson punën e nxënësve.
Detyrë shtëpie. Ushtrimi 5.
Të lexuarit
Fridrih Shiler
Vilhelm Teli
Ora e parë
Objektivat:
- Të lexojnë për të identifikuar llojin letrar dramën.
- Të diskutojnë për problemet që ka dashur të transmetojë autori me anë të kësaj
drame
- Të shfaqin mendimet sesi paraqiten marrëdhëniet në popull.
Mjetet e punës: Tabela e zezë, shkumësa me ngjyra, gjuha shqipe 6.
Zhvillimi i mësimit
E Brainstroming
R Shpjegim + diskutim
R Teknika e pyetjeve
Evokimi.
Brainstorming
Mësuesi shtron pyetjet për të cilat nxënësit të japin mendimet e tyre.
A e keni shikuar filmin “Vilhelm Teli”, i cili është realizuar mbi bazën e kësaj drame?
A ju pëlqen ky film? Pse?
Nxënësit shprehin mendimet e tyre.