Plani Mësimor dhe Libri i Mësuesit -Gjuha Shqipe

√ + - ?
b) Diskutim në çifte (ose treshe) dhe më pas në grupe. Nxënësit bëjnë sqarime rreth
çështjeve të hedhura në tabele dhe e plotësojnë më tej atë.
c) Sqarime për çështjet e pyetjet e ngritura nga nxënësit. Mësuesi plotëson më tej tabelën.
Mësuesi duhet t’u bëjë të qartë nxënësve:
- Si e formojnë formën veprore foljet në mënyrën dëftore, mjetet: me mbaresë për të
tashmen, të pakryerën dhe të kryerën e thjeshtë; me pjesëzën formante do + folje në
lidhore për kohën e ardhme; me foljen ndihmëse kam për kohët e përbëra veprore.
- Si e formojnë formën joveprore foljet në mënyrën dëftore, mjetet: me mbaresë për të
tashmen, të pakryerën dhe të ardhmen; me pjesëzën –u për të kryerën e thjeshtë; me
foljen ndihmëse jam për kohët e përbëra joveprore.
(Ilustrime nga ushtrimet 1 dhe 2)
3. Reflektimi. Punë në grupe.
Mësuesi ndan klasën në dy grupe dhe cakton detyrat për secilin grup.
Grupi 1 – ushtrimi 4. Nxënësit duhet të gjejnë foljet e mënyrës dëftore në fragmentin e
dhënë dhe t’i ndajnë në veprore dhe joveprore. Të përcaktojnë kohën, vetën dhe numrin
e tyre.
Grupi 2 – ushtrimi 5. Nxënësit do të rishkruajnë fjalitë e dhëna duke i vendosur foljet në
formën joveprore. Diskutim me klasën rreth ndryshimeve që ndodhin në fjali. P.sh.
- E kam takuar për herë të parë para dy vjetësh.
- Jam takuar për herë të parë me të para dy vjetësh.
Përfaqësuesit e grupeve japin përgjigjet e ushtrimeve dhe kalohet në diskutim me gjithë
klasën për përgjigjet e dhëna.
Përmbledhje e orës së mësimit dhe vlerësim.
Detyrë shtëpie: Ushtrimi 3.
Morfologji
Ushtrime për foljen
Objektivat: Shih objektivat e orëve 38 dhe 41.
Zhvillimi i përmbajtjes
1. Praktikë e pavarur:
Çdo nxënësi do t’i jepet fisha më ushtrimet e mëposhtme:
1. Në vend të pikave vendosni njërën nga foljet në kllapa: (të kthente, kishin qenë, të
sillte, tregoheshin, u ktheva, qëndronte, vajti, do ta shpinin, kishin qenë, bëri, qe, të
shikoja, tha, kishte zvarritur)
Ndodhira të tilla…………plot për rrobaqepësit privatë. Që atë natë nëna i…………. në
shtëpi dhe, pa ia bërë të gjatë, i …… ose … na e……….të qepur brenda javës, ose