Plani Mësimor dhe Libri i Mësuesit -Gjuha Shqipe

Hapi i tretë. Kalohet te rubrika Hap pas hapi.
Për të kuptuar më mirë rrëfenjën mësuesi u drejton nxënësve këto pyetje:
Ku dhe në ç’kohë të ditës zhvillohet ky rrëfim?
Pse Gjyshi vendosi të shkonte në Elbasan? Cilës punë i kishte hyrë ai? Pse Llazi i vogël u mbushi
kuajve zilet me bar? Nga çfarë rrezikoheshin ata? Çfarë u ndodhi gjatë rrugës personazheve tanë?
Hapi i katërt. Nxënësit punojnë në mënyrë të pavarur në fletore ushtrimet 6, 7, 8.
Si e portretizon autori kapedanin e hajdutëve?
□ mjekërzi □ fustanezi
□ syzi □ mustaqeverdhë
□ vetullzi □ i ngrysur
Pse kapedani jep urdhër që qesja e marrë jo vetëm të kthehet, por gjithashtu t’i jepnin edhe sa të
mundnin?
Cilët janë personazhet që marrin pjesë në këtë fragment? Dalloni personazhet kryesorë nga ata
dytësorë ?
Në përfundim të orës mësuesi bën vlerësimet përkatëse.
Përmbledhje e orës. Konkluzione. Detyra.
Të lexuarit
Mitrush Kuteli
Rina dhe Radhavani
Ora e dytë
Objektivat:
- Të japin mendimet e tyre për mirësinë e gjyshit.
- Të diskutojnë mbi fundin e papritur të rrëfenjës.
- Të dallojnë frazeologjinë e gjuhës së pasur të popullit, dhe shprehje të vjetra
karakteristike.
Mjetet e punës. Tabela e zezë, shkumësa me ngjyra, gjuha shqipe 7, rrëfenja “Natë
vjeshte të tretë”.
Zhvillimi i mësimit.
Hapi i parë. Mësimi nis me leximin e detyrave të shtëpisë. Ndërkohë që vlerësohen
detyrat dhe jepen komentet përkatëse.
Hapi i dytë. Diskutim i lirë ndërmjet nxënësve.
Çfarë mendimi keni ju për çetën e kusarëve? Ç’njohuri keni për mënyrën e tyre të
jetesës?
Dëgjohen mendimet e nxënësve.
Më pas kalohet në:
Komentoni me fjalët tuaja:
“Siç e dini është më mirë të mblosh e të martosh një çupë jetime, pa krah, se sa të
ndërtosh një kishë”. Shprehni mendimet tuaja.