Plani Mësimor dhe Libri i Mësuesit -Gjuha Shqipe

Hapi i tretë. Mësuesi sqaron më tej:
Ç’është familja e fjalëve?
Fjalët e grupit a krijojnë një familje. Ato i bashkon rrënja e përbashkët.
Ç’i lidh fjalët e grupit b?
Fjalët e grupit b i përkasin një fushe leksikore.
Ç’lidhje kanë fjalët e grupit c?
Fjalët e grupit c kanë ngjashmëri formale, ato kanë prapashtesë të njëjtë (tor).
Çfarë lidhjesh krijojnë fjalët gjatë përdorimit të tyre në fjali?
Fjalët gjatë përdorimit të tyre krijojnë lidhje për arsye të ndryshme.
Fjalët mund të grupohen në bashkësi në varësi të kriterit klasifikues që përzgjidhet.
Sinonimet, antonimet, homonimet. Shembuj.
Hapi i katërt. Punë në dyshe. Ushtrimet I, 2 dhe 3. Kontrollohet dhe vlerësohet puna e
nxënësve.
Hapi i pestë. Praktikë e udhëhequr. Ushtrimi 4. Nxënësit punojnë në vëzhgimin dhe
kujdesin e nxënësve.
Fillimisht diskutojnë rreth mënyrës së formimit të fjalëve të prejardhura.
Për çdo fjalë nxënësit gjejnë temën, rrënjën dhe ndajshtesat përkatëse. Kujdes mos
ngatërroni prapashtesën me mbaresën!
Hapi i gjashtë. Punë e pavarur. Ushtrimi 6.
Kontroll i punës së nxënësve dhe vlerësim.
Përmbledhje e orës mësimore.
Detyrë shtëpie. Ushtrimi 7.
Të lexuarit
J. Barrie
“Zanat”
Ora e parë
Objektivat:
- Të lexojnë me ndjenjë e emocion fragmentin e dhënë.
- Të diskutojnë karakteristikat e tregimit fantastiko-shkencor.
- Të përshkruajnë duke përdorur mbiemra personazhet.
Mjetet e punës. Romani “Piter Pan” ,Tabela e zezë, shkumësa me ngjyra, gjuha shqipe
7.
Zhvillimi i mësimit.
Hapi i parë. Mësuesi e nis mësimin me dëgjimin dhe vlerësimin e detyrës së shtëpisë.
Nxënësit vlerësojnë dhe japin mendime mbi detyrën e njëri-tjetrit.
Hapi i dytë. Mësuesi shtron pyetjet për diskutim:
A ju pëlqen leximi i romaneve fantastiko – shkencor?
Përmendni disa tituj romanesh fantastiko - shkencorë.
Nxënësit shprehin mendimet e tyre.