Plani Mësimor dhe Libri i Mësuesit -Gjuha Shqipe

Hapi i parë. Punë në dyshe. Nxënësit do të punojnë në dyshe duke evidentuar veçorite
dhe dallimet midis teksteve rrëfimtare letrare dhe teksteve rrëfimtare joletrare.
Hapi i dytë. Mësuesi ndërton një tabelë përmbledhëse në dërrasë të zezë dhe mendimet e
nxënësve i hedh në tabelë.
Teksti rrëfimtar letrar Teksti rrëfimtar joletrar
Mësuesi plotëson më tej tabelën.
Hapi i tretë. Shkrim i lirë.
Duke u nisur nga çfarë mësuan për udhëpërshkrimin, duke pasur parasysh edhe çka kanë
lexuar nxënësit do të shkruajnë një udhëpërshkrim të shkurtër.
Mësuesi jep udhëzime dhe sqarime në lidhje me:
- zgjedhjen e temës, e cila duhet të ketë të bëjë me një vend të shëtitur e të njohur mirë.
- ndërthurjen e mbresave, emocioneve, përshtypjeve të mbetura në kujtesë me faktet
reale, personazhet realë.
Një rol shumë të rëndësishëm luajnë edhe detajet, të cilat i japin përshkrimit bukuri dhe e
bëjnë më tërheqës.
Hapi i katërt. Lexohen disa prej udhëpërshkrimeve të realizura nga nxënësit dhe
vlerësohen me notë.
Morfologji
Ushtrime
Objektivat:
Shih objektivat e orës 45.
Motivimi: Si motivim mësuesi përdor ushtrimin 1 në tekstin e gjuhës shqipe 7. Nxënësit
do të plotësojnë tabelën me format e duhura të foljeve në mënyrën lidhore (forma
joveprore).
Zhvillimi i përmbajtjes
1. Praktikë e pavarur:
Çdo nxënësi do t’i jepet fisha me ushtrimet e mëposhtme:
2. Të njëjtën folje, si në ushtrimin 1 (hedh) zgjedhojeni në mënyrën kushtore, forma
joveprore.
3. Në tekstin e mëposhtëm dalloni foljet e mënyrës lidhore dhe kushtore. Thoni kohën,
vetën, numrin dhe formën e tyre.
“Të gjithë mundoheshin të çanin përpara me ndihmën e bërrylave. S’kisha bërë as dhjetë
hapa, kur ndjeva një të shtyrë nga pas. Për pak do të isha qorrollisur për turp, po të mos
kisha arritur të hidhja dorën e të kapesha pas kanotieres së atij që kisha përpara. Ai nuk