Plani Mësimor dhe Libri i Mësuesit -Gjuha Shqipe

Kontrollohet dhe vlerësohet puna e nxënësve.
Hapi i tretë. Punë në grupe dyshe.
Mësuesi ndan klasën në tre grupe dhe cakton detyrat për secilin grup.
Grupi 1 – ushtrimi 5. Të lexojnë fjalitë dhe t’i ndajnë me një vijë të pjerrët pjesët
përbërëse. Të caktojnë llojin e tyre.
Grupi 2 – ushtrimi 6. Të kthejnë fjalitë e ushtrimit 5 në fjali të përbëra bashkërenditëse
lidhëzore. Kujdes në vendosjen e shenjave të pikësimit. P.sh. Kujtove mikun, ndaj bëj
gati petanikun.
Grupi 3 – ushtrimi 7. Në fjalitë e dhëna në ushtrim të nënvizojnë me një vijë kryefjalën
dhe me dy vija kallëzuesin. Të diskutojnë rreth ndërtimit të fjalive dhe të thonë çfarë vënë
re?
Kontroll i detyrave dhe diskutim rreth tyre.
Vlerësim për nxënës të niveleve të ndryshme për secilin grup.
Detyrë shtëpie. Ushtrime në Fletoren e punës.
Të lexuarit
Zhyl Vern
Në ishullin misterioz
Ora e parë
Objektivat:
- Të lexojnë me ndjenjë e emocion fragmentin e dhënë.
- Të diskutojnë mbi rregullat e vendosura nga djemtë.
- Të përshkruajnë personazhet në bazë të cilësive të secilit.
Mjetet e punës. Romani “Dy vjet pushime” ,Tabela e zezë, shkumësa me ngjyra, gjuha
shqipe 6.
Zhvillimi i mësimit.
E Brainstorming
R Shpjegim + diskutim
R Teknika e pyetjeve
Evokimi.
Brainstorming.
Mësuesi shkruan në dërrasën e zezë titullin e romanit “Dy vjet pushime”.
Ai u drejton pyetjet nxënësve:
A e keni lexuar romanin “Dy vjet pushime” apo e keni parë të ekranizuar si film?
Cili ju pëlqen më shumë prej personazheve?
Nxënësit lihen 2 min të mendojnë,më pas dëgjohen mendimet e tyre.
Realizimi i kuptimit. Shpjegim + diskutim.
Mësuesi jep informacion mbi romanin i cili bën pjesë në fondin e artë të letërsisë botërore
për fëmijë. Në qendër të romanit qëndron vlerësimi për shoqërinë, dashurinë njerëzore,
përpjekjet për lumturinë e njeriut, ëndrrat dhe dëshirat për të luajtur të lirë në kohën e
lirë.