Plani Mësimor dhe Libri i Mësuesit -Gjuha Shqipe

Pasi nxënësit kanë përcaktuar llojin e fjalive dhe kanë rrethuar mjetin lidhës u kërkohet
nxënësve të përcaktojnë pjesët përbërëse të fjalive dhe të thonë se çfarë raportesh
vendosen mes tyre: barazie apo varësie.
Më pas mësuesi ndan klasën në grupe dyshe dhe nxënësve të grupit 1 u kërkon të kthejnë
2 fjalitë e para në fjali të thjeshta, ndërsa grupi 2 të kthejë në fjali të thjeshta fjalitë 3 dhe
4.
P.sh. Thesi ra me një zhurmë të butë. Ai ndezi shkrepësen.
Hapi i dytë
Shpjegohen llojet e fjalive të përbëra me bashkërenditje, në varësi të lidhëzave: shtuese, veçuese,
kundërshtuese dhe përmbyllëse. Ilustrohen me shembuj. Gjithashtu mësuesi sqaron nxënësit për
llojet e fjalive bashkërenditëse me më shumë se dy pjesë dhe mënyrën e lidhjes mes pjesëve (me
lidhëza bashkërenditëse ose pa lidhëza).
P.sh. Ata ikën përpjetë, kurse unë ika poshtë dhe u futa në kafene. (bëhet skema e fjalive).
Përforcim
Hapi i parë
Punë e pavarur
Punohen ushtrimet 1 dhe 2. Kontrollohen dhe vlerësohet puna e nxënësve.
Hapi i dytë
Punë në dyshe
Nxënësit me numrin 1 punojnë ushtrimin 3. Kthejnë fjalitë e përbëra të ushtrimit 2 në
fjali të thjeshta. Të thonë a mund të qëndrojnë të gjitha pjesët si fjali të pavarura dhe të
argumentojnë përgjigjen.
Nxënësit me numrin 2 punojnë ushtrimin 4. Lidhin fjalitë e thjeshta të dhëna në ushtrim
duke përdorur lidhëza bashkërenditëse shtuese,veçuese kundërshtuese dhe përmbyllëse.
Përmbledhje e orës mësimore dhe vlerësim.
Detyrë shtëpie. Ushtrimi 5.
Bëni një ese të shkurtër përshkruese me temë “Shoku/shoqja ime më e ngushtë” ku të përdorni
fjali të ndryshme. Veçoni fjalitë e përbëra me bashkërenditje dhe thoni mjetin lidhës.
Të lexuarit.
Në botën e Uinksave
Objektivat:
- Të lexojnë për të kuptuar më shumë.
- Të diskutojnë për universin magjik.
- Të shprehin mendimin e tij mbi magjinë dhe truket e shpejtësisë.
Mjetet e punës: Tabela e zezë, shkumësa me ngjyra, gjuha shqipe 6
Zhvillimi i mësimit.