Plani Mësimor dhe Libri i Mësuesit -Gjuha Shqipe

Objektivat:
- Të gjejnë përemrat pyetës në fjali dhe të përcaktojnë veçoritë e tyre.
-T’i përdorin drejt përemrat pyetës në fjali.
- Të përcaktojnë funksionet gramatikore që luajnë përemrat pyetës në fjali.
Motivimi. Nxënësit lexojnë fjalitë e dhëna në hyrje të mësimit dhe ndalen tek fjalët me
shkronja të zeza. Ata duhet të thonë çfarë janë fjalët me të zezë dhe për çfarë shërbejnë
ato.
Struktura e mësimit
E Kllaster
R Di / Dua të di / Mësoj
R Praktikë e pavarur
Zhvillimi i përmbajtjes
1. Evokimi. Kllaster. Nxënësit plotësojnë një kllaster për përemrin pyetës, llojet.
Përemrat pyetës
2. Realizimi i kuptimit. Di/Dua të di/Mësoj.
Udhëzohen nxënësit që të ndajnë faqen e fletores në tri kolona:
Di Dua të di Mësoj
Përemrat pyetës përdoren….
Ndryshimet mes tyre dhe
kategoritë gramatikore
përkatëse…….
Kategoritë gramatikore i kanë
në masë të ndryshme
…………………….
Nxënësit vihen në punë për të lexuar mësimin në librin e gjuhës shqipe 7.
Më parë nxënësit sqarohen për mënyrën e plotësimit të kolonave në fletore.
Në kolonën “Di” do të shkruajnë atë informacion që u duket i njohur gjatë leximit.
Në kolonën “Dua të di” do të shkruajnë pyetje rreth çështjet për të cilat kërkojnë të dinë më tepër.
Në kolonën “Mësoj” do të shkruajnë një përmbledhje të informacionit të ri që përvetësuan gjatë
leximit.
Diskutim në grupe dhe plotësim i tabelës. Mësuesi ndalet në veçanti në pyetjet që drejtojnë
nxënësit. Ai duhet t’u bëjë të qartë atyre:
- Cilët janë përemrat pyetës.
- Për çfarë shërbejnë.
- Trajtat e tyre të veçanta.
- Kategoritë gramatikore dhe veçoritë për secilin prej përemrave pyetës.
- Funksionet e tyre gramatikore në fjali.
- Përdorimi i tyre në fjali.
3. Reflektimi. Praktikë e pavarur.
Ushtrimet 1-3
Nxënësit do të punojnë në mënyrë të pavarur ushtrimet 1-3 në librin e gjuhës shqipe 7.
Në tekstin e dhënë në ushtrimin 1 nxënësit do të gjejnë përemrat pyetës dhe do të tregojnë se
përse janë përdorur.