ЖУРНАЛИСТЕРІНІҢ ТӘЖІРИБЕСІНЕН

3-жаттығу
Бір адамды түрлі құрылымдық түр бойынша (хроникалық, себепсалдарлық,
эсселік) суреттеп көріңіз. Осының қайсысы жақсы сияқты?
4-жаттығу
Бұл «еңбек майданында жұмыс істеу» деп аталады. Алдыңа белгілі
бір міндет қой. Мәселен, базарға барып келу керек (басқа қалаға бару,
танымал адаммен кездесу, зауытқа экскурсия ұйымдастыру және т.б.).
Ол жерден ерекше, оқырманды қызықтыратындай очеркпен оралуды
алдыңа мақсат етіп ал. Атқарылатын іс-әрекеттер жоспарын құр.
5-жаттығу
Очерктің тақырыбын таңдап ал. Сіздің келешек шығармаңызды
графикалық тұрғыдан елестетуге бола ма? Мәселен, оны генеалогиялық
ағаш, диаграмма, кесте, шеңберлер мен сызықтар түрінде елестетіңіз.
Бұндай суреттер материалдың құрылымын жасауды жеңілдетеді.
СҰХБАТ АЛУ ҚАҒИДАЛАРЫ
Гүлнәр МҰҚАНОВА
1. Сұхбат алуға бармастан бұрын не сұрайтыныңды тәптіштеп жоспарлап
ал. Ол қандай ақпарат айтқанда, сенің қандай сауалың болуы
мүмкін? Сұхбат алудың картинасын көз алдыңа елестет!
2. Сұрай бер, сұрай бер және сұрай бер! Сұрақ сұрағаннан еш
қысылма!
3. Сұрай бер дегенді, сұхбаттасымен тайталасу, салғыласу деп
түсінбе!
Газет беттерін ақтарып отырып, журналистердің сұхбаттасымен тайталасу,
салғыласу тенденциясын байқауға болады. Сұхбаттасыңа ақылды
болып көрінудің қажеті шамалы. Сен онымен білім жарыстырайын деп
емес, ақпарат алуға келдің. Тәжікелесуге уақыт зая еткенше, тағы бір
сұрақ қойғаның тиімді.
Ал екінші жағынан, тайталасу арқылы сен өзіңнің субъективті ойыңнан
хабар бересің. Субъективті мақала жазатын журналист қоғамға шынайы
ақпарат тарата алмайды.
Сұрақ қоюдан қорқып, жалтақтаудың да қажеті жоқ, сонымен қатар,
салғыласудың да қажеті шамалы. Сауатты, ақпарат ала-алатын сұхбат
жаса.
| 135 | ЖаНРлар