Euskal Literatura III

Garita-Onandia, J. M. Ampuero, Isidoro Ruiz Arbiilo durangarrak,
Elorrio'ko Kapelastegi, Otxandio'ko F. Arrese-Beitia ta
Ermu'ko Ezekiel Etxebarria- agertzen dira.
Baita Durango'ko Gaíxotegiko San Bizente Paul'en alabak
ere ipiñi zuten beren aletxoa, ta olerkizkoa ipiñi ere. Durango'n,
1887-6-2'an, izenpetzen zuten Sor Maria Joaristi, Sor Maria
Josefa Albizu, Sor Maria Pagóla, Sor Lorenza Etxeberria, Sor
Frantziska Zendoia, Sor Maria Barbara Intxausti, Sor Josefa
Arozena ta Sor Dazia Herrero monjak euskerazko olerki txukun
bat, beren eskintzari bezela Leon XlII'garrenari (1810-1903)
bere urrezko ezteguetan eskeiñirik.
Ona iru laukoak osorik:
Zer da, Jauna, munduan guk dakuskuna?
Biraua ta pekatua zabaldurik;
Baña geiyen biotza minduten deuskuna
Da Zu ikustea larri ta estuturik.
Guri biotza poztuko deuskun gauzarik
Ez da ezer jazoko aurten munduan?
Bai, ospatuko dira pozez beterik
Zure urrezko ezteguak abenduan.
Igituko da orduan mundu guztiya
Euren eskinzariyak egiteko;
San Bizenteren Alaben gurariya
Da bizitza emon, zurea geituteko.
Lekaime danen artean egiñak ote dira aapaldi auek? Ala
besteren batek, eta berak izenpetu?
(Ikus N. A. G., Egan, 1970, 1-3, 98 orr.).