Euskal Literatura III

I897'tik 1915'ra bitartean Donostiko «Euskal-Erria» aldizkarian
atera zitun bere idazlanak. Bilbao'ko «Euskalzale»-nj ostera,
olerki auek argitara zizkigun, 1898'an; «Auxen da burunastea!»,
«Lagundu al degun arte», «Txoritxuen naia ta una»
ta «Maitea». Eta «Ibaizabal'en», (1902-03) auek: «Euskera bizi
dedilla», «Zer naitasuna», «Euskal-Erriko Antza», «Rosario
Artola», «Ez daude etorririk berriz Donostira», «Kirkirrak»,
«Fida adi!», «Soldadu baten etorrera», «Agur Oñati-ri», «P.
M.'ri», «Kanpo santuan», «Aur zoragarriya!» ta «Mundu zoragarria».
Esku-bizkorrez era-bitxituta dauzkazu denak. Ona, adibidez,
zein xaloki azaltzen digun alargunak eta umezurtzak munduan
dituzten sentipenak.
Aur txikia nintzanean
amatxoren magalean,
besarka eta muxu artean
egoten nintzan pakean;
maite nuan biotzean,
bai nik bera ere nerean.
Baten kontu kontari
amak esan ziran neri:
«Zuk iiíabete izan baiñan len
aitak muin emanik zuri,
joan zan itsasora larri.. .
Ta ezta oraindik etorri.. . !»
Geroztik nik begiak
nere egunen egiiíe ura
ikusteko egarriak
etxeratzen nau larriak.. .
Ta erresatzera biak.. . !