Euskal Literatura III

Ezetz eta baietz, gure lau mirikuak hor bizi bizia hizkatzen
dira. Beren kontsulta izkirioz ezarririk, papera aurtihikitzen
dakote Bizkarrotzi: To, egin ezak ahal dukana, eta gorde nahi
daukukan jakitate berezi zonbait balinbaduk, balia hadi, guk
berriz ere zioguk Pampi-ú emaztea etzakola nehundik ere sendotzen
ahal. Hiru mirikuak badohazi kanpo, Bizkarrotz-entzat
gaizki eta gaizki deasatela.
—Ikhusi duzue tonto zar hori, Guk eztakigunik badakikeela
uste othe du?
—Zer nahi duk?, hori bethi hola izana duk. Eskoletan elgarrekin
ginitian, eta nausiak zerbeit galdatzen zankonean, sekulan
hitz bat etztzakean erran, astophutz horrek» (G. H.,
1930, epail-jorrail, 174 orr.). .
(Ikus P. Lafitte, Gure Herria, 1930, 247 ta 312 orr.; L. VÍUasante,
HLV, 305 orr.; Col. Auñamendi, 53, Fantasía y realidad, 137 orr.;
Auñamendi, Literatura, II, 427 orr.).
18.-KRISTIAN KORNELI UHLENBECK (1866-1950)
Ona izkuntzalari, lingüista errime bat. Beronen iritziak zentzuz
emanak dituzu beti, Izkuntz-zelaian errez laban egin dezakegu,
arretaz ibilli ezik. Jakintsu au, alere, bere lanetatik dakusgunez,
munduko izkuntzetan osó aitua izan arren, kontuz
ari izan zitzaigun beti ere baipen borobillak emakeran. Atsegiñez
irakurtzekoak dira bere lan jakingarriak.
Olandar argi au Haya'tik urbil dágoen Voorburg urian jaio
zan, 1866'an. Hugonote famili batekoa zan jatorriz. Leyden'eko
Ikastetxetik irakasle zan izkuntzetan; Olanda'ko gobernuak
Errusi'ko artxibuak ikertzera ere bialdu zuen. 1892'an Amsterdam'en
daukagu sanskrito erakusten, eta antziñako germandar
izkuntzak ere bai. 1910-ll'an oin belzdun indiotarren eskualdera
egin zizkigun ostera batzuk aien izkuntza ikasi ta aztertzen.