Euskal Literatura III

Yakintxa aldizkariak: «Darabillen euskera errez, naro, jator
ta edozein euskaldunentzat ulergarria duzu. Gozo atsegiña batez
ere, egillearen asmoa umetxoentzat irakurgai interesgarri bat
egitea zan eta. Ipuiñak, izkirimiriak, kontakizun eztiak, luma
zoragarriz adierazota» (1933, 158 orr.).
(Ikus Zeruko Argia, 1922, 7, 95 orr.; Yakintza, 1933, 157 orr.; L.
Villasante, HLV, 397 orr.; Auñamendi, Literatura, II, 454 orr.).
lO.^ERRAMON GOIKOETXEA OROKIETA (1873-1909)
Naparroa'n, Oltza udai-barrutiko Ibero'n jaioa duzu, Aita
Ibero kaputxinoa 1873-8-31'an. Bilbao'n egin zuen profesa txikia
1880'an, eta Lekarotz'en nagusia, 1892'an. Bertan irakatsi
zuen Etxaiar'ko Aita Eusebio'kin batera, Aritmetika ta Algebra
irakatsi ere. Oso lagun miñak ziran Aita buruñurdun biok, eta
sarri egurastu oi ziran alkarrekin Baztan ibarreko bazter zoragarrietan
zear. Aita Eusebio'k maiz esaten omen zion A. Ibero'ri:
«Bordariok egiten duten izketa, orixe dek gure mintzaira, euskaldunen
mintzaira». Ortik asi zan gero euskera ta euskai erria
ezagutu ta maitatzen. Baiña maitasun orrek eraman zuen iilobira
ere.
Iruña'n, uritik at dagoen kaputxinoen komentuan aurkitzen
zan Aita Ibero, 1902'an. Aralar'ko Mikel Goi-aingerua Iruña'ko
katedralera jetxi zutela-ta, jendeketa izugarriak eliza betetzen
zuela, Ibero aitak egin zuen itzaldia, gotzaiaren eta kanoniguen
aurrean. Azantz aundia atera zuen itzaldiak; baita izlaria auzitegira
eraman ere: Lizarra'ko Arantzadi lege-gizonak aldeztu
zuen, eta epailarien erabakiz itzaldian etzegon ezer ere errudunik.
1903'an Lizarra'n daukagu, komentuko nagusi ta mutiko
praillegaien zuzendari. Emen Serafindar Ikastolan lan egin
zuen, lema onekin: Instaurare omnia in Christo; baiña euskal
kultura barruan. Or-emen etsaiak zituen, orraitio, bai Iruña'ko